لازم تكلميه حبيبتي وتتعرفي على شخصيته عشان ازا لاسمح فيه عيوب تكشفي ايام الخطبة احسن مابعد الزواج تعضي اصابعك ندامة بس كوني ذكية موزي الهبلة تسالي ويجاوبك باسلوبك بتكشفي عيوبه ومحاسنه والله يوفقك

يالييييييتك شفتي حلقة طارق الحبيب

على ابو ظبي الاحد اللي فاات

كان متكلم عن هالنقطه وبططريقه ممتااازه ومايجهلك طبعاً

طارق الحبيب ماشالله عليه كلامه موثق باثباتات وتجارب

يقول المفروض ان الوحده تكلم خطيبها

حتى تعرف شخصيته ويعرف شخصيتها

يقول خلو عنكم الكلام الرومانسي هذا لاحقين علييييييه

كلميه باشياء اجتماعيه عشان تعرفين شخصيته وطبيعته

ويبين لك رايه في اشياء معينه تدلك على نمط شخصيته

طبعاً تكلم عن التطرق لمواضيع الجنس قال ابددددددد

المفروض ماتفتح نهاااائي

ولو الرجل كان جريئ وفتح هالموضوع المفروض البنت تحاول تقطع الحديث وتنهييه

تدرين ليش؟!!

لانه اذا مادى في الكلام عن الجنس فقد لذته بعد الزواج

يقول كانه تزوج وانتهى من خلال الكلام

هذا افضل شي يترك لما بعد الزواج

طبعاً افضل ان البنت تكون خجوله

يكون هو اللي اغلب شي يتكلم

وركز كثيييييييير على السواليف الاجتماعيه

يعني اليوم شفت برنامج كذا ولا قريت في الجريده كذا


يقول لان ممكن تكشف لك اشياء في شخصيته تخليك تعدلين في مسار قرارك

احسن من انهم يغرقون في الرومانسيه والكلام الحلو

وبعد الزواج بفتره قصيره يتبين لهم انهم مايصلحون لبعض

ويتطلقون..

عموماً كلامه كثيييييييير وممتاااااااااااز

هو يجي برنامجه الساعه 9ونص يوم الاحد على ابو ظبي

تابعيه هالاسبوع اكيد بيكمل الكلام حول هذا الموضوع


اتمنى اني افدتك

تكفين دعواتك لي الله يحقق لي اللي في بالي قبل ولادتي

ويجعلها ولاده ميسره طبيعيه باذن الله

هلابك..

الحمدلله تمام.





ايوه ليش لا ؟؟!!

وانا اشوفه مهم عشان تفهمه ويفهمها اكثر.. هي باقي على البر يعني ماطاح الفاس على الراس..

فعشان كذا شئ مهم جدا انها تكلمه عشان تفهم شخصيته وايش يحب وايش يكره .. والخ.




تتكلم عن الأمور العامه مثلا عن وظيفته سوالف عاديه وسالفه تجر سالفه..

ولكن حذاري تكثر من المكالمات عشان ما يزهق منها .. هذا اولا.. وعشان مايمون عليها كثير هذا ثانيا..






احذر من هذا الشئ لأنكم بتتعمقون في السوالف هذا اولا.. وثانيا تكون احلى بعد الزواج ..



حبيبتي مايمنع من المسجات الغراميه لكن السوالف الرومانسيه حلوه في وقتها انتم الآن في فترة تعارف ..اثقلي يا بنت ههههههه :)





هذا كلــــــــــــه راح تكون تصرفاتك فيه عفويه حتى لو اعطيناك نصائح .. راح تتصرفين بطبيعتك :)





وانا نصيحتي لك يا غلاهم...


فترة الملكه هي للتعارف والكلام الرومانسي في وقته حلو . والله الله بزوجك.. داري على شمعة حياتك اهتمي فيه وحافظي عليه بالكلمه الحلوه والتعامل الطيب .. و خلي عندك سياسه في تعاملك معاه..

وانتبهي من السب حتى لو كان مزح لأنه بيفتح عليك باب صعب اغلاقه ..

وانتبهي تقللين من احترامه او تصرخين في وجه تعانديه اكره ما على الرجال الحرمه تعانده..

وحطي اهله في عيونك مهما جرى منهم فهذا بينك وبينهم لا يدري بشئ لأنه لو درى راح يكون في صفهم ظالمين او مظلومين..!

وحذاري تسمعين نصايح الحريم وتطبقيها في حياتك وتذكري ان كل وحده راح تنصحك بمنظورها الخاص ونصيحتها ممكن ماتناسب حياتك انتي..

فا قبل كل شئ انتي ادرى بحياتك..

واحب اقولك واذكرك اسرارك الخاصه مع زوجك سواء الفراش او حياتكم لازم يكون بينكم عهد ووعد ان مايطلع لأحد سواء لأهله او لأهلك لازم لازم لااااازم هذا الشئ تتفقون عليه في فترة الملكه وفهميه مضبوط من هذي الناحيه..


والله يوفقك وحياه سعيده ان شاءالله :)

حبيبتي أنا مملكه وأكلمه في الأول فيه خجل بس مع الوقت أتعودت عليه وهو يعتمد على الزوج يعني أنا زوجي كأني أعرفه من زمان
لأن هو بطبعه جريئ وقدر بأسلوبه يبعد عني الخجل وعادي كل المواضيع اللي تخطر ببالك أتكلمنا فيها والله يسخره ليا ويتمم فرحتنا
ويارب يابردا قريب تبشرينا بزواجك وراح أسألك ايه تقولوا إنتِ وهو .......... عارفه بتقولي بطيخة ملقوفه