كل متزوجه <قدمي نصيحتك للمقبلات على الزواج>

وحتى بالجهاز ايش الاشياء الضروريه والا شياء الي ماراح تستفيد منها

ياليت تكون نصايحكم شامله

وان شاء الله تكسبوا أجر كل من بيستفيد من نصايحكم

الزواج غير بيت الاهل
والفراش سر لا تتكلمين فيه ومشاكلك لا تكتبينها بالنت ولا تحكينها لاحد لانك مع الوقت راح تلاقين الحل
لاتحطين صورة وتكتيين كلمات حب له بجوالك حياتك مع زوجك شيء خاص فيك كثير يشوفونها محرومات اة متعذبات تجرحينهم 

اصبرررررررررررري واحرصي على مشاكلك تكون بينكم يا الاثنين
ولا تسمعين شور الحريم ولا نصايحهم ...و عليك بالدعاء
واجعلي الزواج هدف للجنه ...والزواج مسؤؤلية والرجال يبون صبرررررررررر

اهم نصيحة ممكن اقدمها لكل وحدة هي ( ادعي ) ثم ( ادعي ) ثم ( ادعي )
دائماً خلي على لسانك
اللهم اسخره لي واسخرني له
اللهم اعمه عن عيوبي واخطائي و أعمني عن عيوبه واخطائه
اللهم أسعدني به واسعده بي
اللهم اجعله معونه لي على طاعتك
اللهم ارزقني الحلم والحكمة في القول والعمل

وأي شي تتمنينه ادعي به
فوالله وعن تجربة لا يححق الأماني مثل الدعاء
حتى في الجهاز
ادعي قبل ما تبدين به بفتره
اللهم يسير لي جهازي وارشدني فيه لما فيه خير لي

كنصيحة من قلب
حياتك مع زوجك سرك الكبير
لا احد يدري لا بخير ولا بشر
حركات غزل في البروسنال او كلما جابلك هدية او رحتوا المطعم نزلتيه في انستقرام اكبر خطأ
فيه ناس محرومه وفيه ناس تستكثر عليك الخير فنتبهي
وعلى العكس
مو اي مشكلة تسير لك تروحين تعلمين خالاتك وصديقاتك والعالم كله
لأن زي ما أنتي ما ترضين يشكيك على اصحابه هو بعد ما يرضى تشكينه على الناس
الا في حالة انت عجزت عن حل المشكلة وتبين رأي يساعدك فخذيه من وحده حكييييمه
وحاولي ما تفضفضين كثير للناس ، انت وإياه تصلحون وتنسون ، والناس ما تنسى ، فلو سارت مشكلة ثانية راح يذكرونك بكل اللي سار قبل وبيكبر قلبك عليه اكثر

وانتبهي انتبهي انتبهي تتكلمين بأمور الفراش لأحد ، ولو كانت على سبيل قصة مضحكة .

وعلى طاري الفراش دائماً يقال اللي تضبط أمور الليل ، تنظبط لها أمور النهار

وبالتوفيق عزيزتي :)

احرصي على الاحتساب

احتسبي الاجر في كل شي
في الطبخ في التنظيف في الابتسامة ........

لايكون الهدف عشان يمدحني زوجي وبس او يسفرني او غيرها

لان الاخلاص يجعلك لاتندم على اي عمل وكذلك يطرح التوفيق في حياتك