ومع التعود بيصير عادي.

ياحياتي .. زوجي يهدنني بتنفيذ ها البرنامج وأنا أدعي ربي أنه يشغله لا ينفذه..
لكن ش رايك بالفول تسوينه في الليل وتسخنينه في الصبح ..
عدس ..
فطاير تثلجينها وتحطينها بالفرن الصباح على ما تسوين الشاي والحليب..
مصابيب مايبيلها شيء...
كليب شاندوش حلو شكله ومفيد ويخدع على باله أنك أخذتي وقت والعكس صحيح
كليجا تكون عندك وأنت مسويتها " هذا إذا هو من أهل القصيم "
حنيني حطينه بالفرن الكهربائي دقايق وهو ساخن ..
والحليب لا تسوين حليب عادي فيه كذا طريقة وكلم حلوين..
السندويتشات لاتسوين أشياء عاديه لا سوي شيء غريب والمنتدى مليان ..

أدري قرقت عليك لين قلتي بس ودك تكسرين رأسي ..
بس هذا إلى راح أسويه إذا نفذ هذا القرار
ودمتي سالمه

حريم عطونا أصناف الأكلات اللي تسونه في الفطور بعد صلاة الفجر

مع المقادير .........................لأني توني بادية أقوم الصبح قبل الصلاة بسبب عمل زوجي

بس مليت من الجبن والبيض ....................عطوني أفكار حلوة و سهلة

وسريعة !!!!!!!!!!!!!!!

إذا كان ماعندك شغل ارجعي نامي بعد مايروح لشغله

انا مو متزوجه لكن حبيت أشارك
واستفيد من رأي البنات

اخواتي العزيزات ..مشكووورات جدا على المرور والمشاركات الطيبه والتشجيع الجميل ...

ام سلطان >> والله نفسي اني اقووم كل يووم قبل الفجر بس السهر هو اللي بهدلني ...بركة الفجر شىء خيالي لكن تخيلي صلاة الفجر اصليها وانا استغفر الله متكسره ...ومرات ارقد على السياده خخخخخخخخخ ..وعاد محلاة الرقاد عقب الفجر احلى رقا د خخخخخخخخخخ لا وزوجي بعد الصلاة يرقد ويقوولي روحي المطبخ (أغار منه ) ...مشكوره ..

المكتوومه >> اكيد احلى شىء النووم من وقت ...لكن نومتنا عادة بين الوحده والهنتين ....وبالنسبة لصلاة زوجي هي في البيت بحكم الغربه وبعد المسجد عن البيت ...يصلي وينام لين وقت الدوام ...
على العمووم اذا السالفه فيها حضنات وبوسات ....ليش لالا خخخخخخخخ.ان شاءالله اتشجع ...مشكووره وبارك الله فيج ..

ام الثلاثة >> اه اه اه يام الثلاثه الله يخليج الثلاثه ويبارج فيهم ...انا لو الود ودي ارقد الساعه عشر من الليل علشاان اشبع وزيااده ....بس ما باليد حيلة ...الحمدلله على كل حال ..

بنت الناس >> انا معااج ..بس الموضوووع يباله همة عاليه ....وطبيعة جسمي غير يعني اذا ما شبعت نووم في الليل اصبح طوول يومي متكسره كاني عجوزه وحتى لو نمت اقووم متكسره بزياده ...الله يرزقنا الهمة العاليه ..مشكووره.وما قصرت ..

ام الخمايل >>> اتمنى اني اتعود ...امشي كم يووم واخلي اسبووع وهكذا ودي انتظم ...مشكووره الغاليه

اطياف الماضي الحال من بعضه .>>> اللله يعين ....ومشكووره على الافكاار ما قصرتي بسا نا زوجي حاليا ما ياكل البقووليات ..يعني فول عدس حمص هالاشياء كها ..امعجنات ما يحبها وايد ...وهذا اللي متعبني بصراحه ...الله يجزيج خير ..

نبراس اليقين ...ان شاءالله بنزل قائمة افكاار لفطوور في هذا الموضووع ولا يهمج .مشكووره على المرور ..

لجوونه >>> منوره الغاليه ...انا ما اداوم لكن ولدي الصغير الله يهديه يقووم على قومة اخوانه للمدرسه او بعد ما يرووحون فما يخليني انام ...مشكوور ه