الله يعين ويرزقك ويرزقنا
انا تخرجت من الجامعة وشهادتي نقعتها في الماي
ووظائفي ال٥ فشلت ومشروعي فشل وكل علاقاتي فشل والصحة جرف على دحديرة
الله كريم

كنت برسل لك خاص مارضي يرسل
الله يكون بعونك مريت بتجربتك درست خياطه سنه كامله وكنت من المتفوقات وبعدها مانجح المشروع ورجعت أخذت دوره مره ثانيه ونفس الحال وبعد فتره اخذت دوره ثالثه الا مصره اشتغل في هالمجال ماصار رزق تخيلي ١٤ سنه او اكثر وخلاص بعدها ماعاد لي رغبه
وبعدها احسنت النيه واتجهت لمشروع ثاني وكنت امارسه فقط علشان اشغل وقتي واقضي حاجة بنتي تقريبا نجح معاي لكن اصابتني عين ومرضت الحمدلله على كل حال دعواتك لي
ولازم ماتكوني متعلقه كثير قصدي تفكري في المشروع ليل ونهار واذا صار كذا بسوي كذا

لازم تكون نيتك حسنه وبنية تحسين وضعك ومساعدة غيرك وتشتغلين وتقدمين بحب
موب علشان اقلد فلانه واني احسن واني اعرف واني بقهرهم
ويمكن مايناسبك تشتغلي مع مجموعات يناسبك تشتغلي لحالك
الحين ماشاء الله فيه محلات تدعم الأسر المنتجه اطبخي واعرضي عندهم
او اعرضي عند قروبات الاقارب والاقارب مايقصرون بعضهم يرسل إلى قروبات ثانيه
ومواقع التواصل الثانيه تيك توك  والاستقرام وغيرهم يساعدوا ترى الدنيا كلها سهالات بس حنا نعسرها على انفسنا

سوي ورق عنب وحطيه في رف البقالات وحلا واللي تقدرين عليه اتفقي مع المحلات القريبه من الحي

أكثري من الاستغفار واسألي الله من فضله

احس انك جالسه تهدرين وقتك في حاجات عشوائيه غير مدروسه
يعني تدرسين مكياج وخياطه وماعندك هدف او خطه واضحه تمشين عليها
لان اللي تدرس هذي الشغلات يكون عندها هدف مثلاً ناويه تفتح مشروع وكل شي جاهز ومخطط له بس ناقصها تتخصص في المجال وتدرسه وتتدرب عليه بشكل احترافي ويكون بيدها اثبات انها متقنه
مو تدرس أي شي كذا عشوائي على امل ان احد يشغلها عنده خاصة بالمكياج والخياطه الطلب عليهم مو كثير وفي اكتفاء
اما بخصوص الاسر المنتجه حطي في بالك ان صاحب المحل هو المستفيد لو تعامل مع اصحاب المنتجات يعني ماراح يتجاهلك ويسحب عليك إلا ان المنتج ماراح يجيب له ربح يعني ماعليه طلب او يمكن ما اعجبه يحتاج تطوير او مكتفي من المنتج اللي عرضتيه عليه شوفي محل غيره
الله يوفقك ويرزقك من واسع فضله