كل مشكلة و لها حل !

السلام عليكم ورحمة الله ، كيفكم حبيباتي ؟
كلنا تواجهنا أمور و مصاعب حياتية وعقبات و مشاكل تأثر فينا صح ولا ؟
بصراحة أنا واجهت مشكلة لمدّة 5 سنين ، مو قادرة اواجهها ومو قادرة اهرب منها ومو قادرة اتخلّص منها ومو قادرة اتكيف ! ، سبحان الله وقت المصاعب ينزّل الله علينا اللطف و الرحمة ويمدّنا بالصبر ، صبرت رغم ان الصبر شاق جدًا ، جات ليلة من الليالي المُضيئة ، قررت اصلي الوتر رغم ان لي سنواااات عنها ، صليتها ومن عمق قلبي أحمد الله على كل النعم و ادعي انه يبعد عني كل شر ، 10 ايام على هالحال ، والله العظيم انها 10 ايام بالضبط و يفرّج ربي همي و يبعد عني هالأذى اللي مأذيني 5 سنوات ، ما تخيلت بيوم اني بتخلّص من هالأذى ! سبحان الله حتى وحدة كنت اعتبرها الصديقة الوفية، والله العظيم ان ربي كشف لي نواياها و بكل سهوله اختفت من حياتي و روحي صارت مبتهجه ولا اتعبني فرقاها بالعكس انبسطت و ارتحت مرره ، و اموري الحمدلله مُيسرة ، يا بنات اذكر لكم تجربتي مع صلاة الوتر ويشهد ربي على كلامي ، انها عظيمة عظيمة جدًا ، حبّيت اذكر تجربتي البسيطة لعل وعسى نحافظ عليها ونذكّر بعض ونكسب اجر 🤍.
«إِنَّ اللَّهَ وِتْرٌ يُحِبُّ الوِتْرَ، فَأَوْتِرُوا يَا أَهْلَ القُرْآنِ»