السلام عليكم راح ادخل بالموضوع عا طول وليش كتبت هالموضوع وحمدت ربي يعني بتشوف واحدة تاخرت بالزواج بضلها تعيسه ليش ما تزوجت اتزوجت بترجع تعيسه تحكي ريتني ما تزوجت ما انجبت بتعيش تعيسه بدها اولاد لما تجيب الاولاد برضه بتسير كل يوم يا بخته ويا حظه الي بدون اولاد معها مصاري تعيسه فقيره تعيسه كل الناس هيك لاحظت السعادة بين ايدينا يعني والانسان بوجدها مش انها اشي سحري راح اضلها تبحث عنك وتسير سعيد مع انها ماراح تيجي لازم الانسان يوجدها انا والعياذ بالله من كلمه انا بنت عمري 30 سنه مش متزوجه يعني بالمجتمع الشرقي عنست وبدات قصتي قبل 6 سنوات الي اخ كان عمره 25سنه و 4 شهور بشتغل ومستورين والحمد لله وانا بشتغل ووضعني الحمد لله ماما طيبه حنونه الكل الناس بتحبها اخواني لصغار متفوقين بالدارسه فجاه طلع اخوي الله يرحمه اخد معه اكل عملته امي بالبيت لاصحابه الي بعاد عن اهلم ولافراد مركز الشرطه لانهم عا رايه مساكين وما كان وقتها في رواتب لموظفي الحكومه بالسلطه الفلسطينية عندنا طلع الساعه 6 المغرب بعد نص ساعه رجع ناسي موبايله مسكني وقلي انتبهي لامي ولاخواني مالك ما مالي اشي بس حاسس ماما مريضه قلتله لا مش مريضه قلي لا مريضه انتبهي الها وخديها للمستشفى اعملي الها فحوصات قلتله مالك مافيها اشي لا تفاول قلي ديري بالك عليها وطلع الساعه 12.15 باليل اجا الخبر انه اخوي توفى الله يرحمه حادث سير والي عمل الحادث واحد سارق سياره الشرطه وراه ولانه في الجدار الفاصل من اسرائيل اخوي الله يرحمه ابعد عن المسرعه واجت السياره بالجدار الفاصل الله لا يوريها لاي حدا هالحادثه سنه انا وامي زي الجثث لا اكل لا شرب ما نرضى نطلع عالشباك او نشوف الشمس اروح شغلي اقول يارب سامحني لما الموظفين الشباب الصبح يحكو صباح الخير ما ارضى ارد ما اطيق اشوف الناس بتروح وتيجي وهو بالقبر الله يرحمه عالسنه مرضت امي كتير عالمستشفى طلع قصور بالقلب العضله تعبانه القلب بتحملش اي اشي علاج دوامه كبيره تحسنت شوي طلع عها سرطان بالقولون الاطباء فش الها علاج وانا كتبت قصتها بقسم علاج السرطان انها القلب بتحملش العملية الجراحيه خلوها تموت بالسرطان على البطء ولا تعمله عملية جراحيه ما استسلمت اخدتها اكتر من مستشفى تعالجت وخلصت كيماوي جسمها ضعيف هلا بس الحمد لله احسن بكتيررررر هي كل حياتي هلا فا السعاده نيجي للموضوع انا عمري 30 سنه مش متزوجه بشتغل شغلتين الاولى من 8-4 والتانيه من 4-9 جنب شغلي مدخلة بيانات طبعا الزواج انا محرمة الزواج منشان ماما واخواني 24 ساعه بجري جمعه وسبت عطله بعمل مرات حفر كوسا بالبيت تطريز نسيج صوف بالبيت حسب الطلبية بس بالرغم من هيك مصرفه كل هالاشي للسعاده مثلا بنكون قاعدين وماما جنبي ونضحك بحكي لاخواني يعني الحمد لله هي احنا حوالين بعض بنخاف عا بعض بنحب عا بعض قاعدين وقلبنا مطمن ما اذينا اي انسان مثلا شو الناقص المصاري شوي صعبه طب ما بكرا ***** الله راح يتحسن الوضع وايام الخير جايه ليش نضيع ساعدتنا ولمتنا بالتعاسه وفي ناس كتير تخسر كل اموالها وتشتري هاللمه
مثلا اي انسان ليش ما تتزوجي ولا تلتهي بالشغل ما اخوانك بكرا بنسوا التضحيه وما بنفعك الا جوزك واولادك طب في انسان بضمن اشي ما مرات الواحده بتخلف وبتربي ولاابن ما بنفع الام ليش افكر انا بعد 20 اخواني يكبوني اخواني الحمد لله المعدن طيب طب في حدا بضمن المستقبل ليش اضل اضايق بحالي واقول ما تزوجت وبدي ضمانه اي انسان يفكر شوي هاي دنيا فش فيها ضمانه الواحد يعيش كل يوم بيومه بقلب طيب يدور عالسعاده وعلى فكره كل انسان السعادة بين ايديه وهو مش حاسس فيها فا حرام اليوم الي بروح ما برجع كل حدث سيء يسخره لاشي طيب مثلا قبل اسبوع ماما واقفه حركت اجرها نكسرت كسرين هيك بدون اشي اضايق اخوي واختي تبكي نجنيت فيهم طب ماهي ممكن توقع ينكسر الحوض عندها كسر الاجر هيها ببيتها احنا حواليها راح تجبر اجريها خلال فتره بسيطه ليش نزلع على اشي اجا بسيط نحمد ربنا عالاشي الاصعب الي ما اجا ولطف ربنا يعني انه بتعب بشغلي ما بتعب ما انا بقراء بالمنتدى بنات بشكو من الفراغ والوحده و24 ساعه على النت وتعيسات وكل اشي موفر الهم يعني انا الحمد لله بنعمه انه الله معطيني الصحة والقوه وقادر اقوم بدوري ومعبيه الفراغ ووقتي كله بعمل وواجب علي يعني ممكن ازعل لو ربنا ما اعطاني الصحة وما قدرت اقوم بواجبي
مثلا فلانه حكت عليك هيك وهيك ما بزعل ولا بسال ولا بحكي ليش حكيتي يعني الدنيا فيها اشي اهم من هيك كلام فاضي ما انا مثبته جدارتي وانه بنت على قد حالي الي بده يحكي يحكي ما بالاخر الاشي الاحسن ببين وهدا رب لا تساله بالانسان لانه ربنا بالاخر بصرف الامور وهو الي مطلع عالقلوب وبالاخر هو راح يبين الصح ما بهمني لما في 10% بغاره منك عا اشي هو عندهم هدول مريضين بالعكس بزعل عليهم وبعيش حياتي ليش اضيع حياتي عالتفكير بيهم
اسفه عالاطاله وما بعرف انه هالحكي هون مكانه والا لا بس ما بعرف قرات اليوم قصص بالمنتدى استفزتني حبيت اكتب هالاشي لعل 1 من الناس ساعده هالحكي
همسه 23-3 @hmsh_23_3
عضوة نشيطة
يلزم عليك تسجيل الدخول أولًا لكتابة تعليق.
غرورالدنيا
•
كلام عين العقل الله يوفقك ويشفي امك ويحفظ لك اخوانك
كلامك صحيح ماشاء الله عليك الله يسعدك ويرزقك زوج صالح ويشفي امك .كلامك صحيح ماشاء الله عليك الله يسعدك ويرزقك زوج صالح ويشفي امك .
الله يسعدك يالغلا
والله انك صادقه بكل كلمه قلتيها
والله يشفي امك ويقويك علي برها ويرزقك بزوج الصالح
والله انك صادقه بكل كلمه قلتيها
والله يشفي امك ويقويك علي برها ويرزقك بزوج الصالح
الله يوفقك ويرزقك
ويخفظ لك اهلك يارب
لكن لي تعليق ع كلمتك حرمت الزواج
ياقلبي دا قسمه ونصيب
احنا مانقول الاخوان مافيهم خير
لكن الدنيا ومشاغلها بتااخدهم من انفسهم واهليهم
اذا الزوج من كتر مشاغله وسفره
بيغيب عن زوجتوه واولاده ليلبي حاجات اسرته ويحقق طموحه
ومع ذلك بيبقى له مكانته كااب ونفس الحال بالنسبه للام
الامومه لا تحرمي نفسك منها هي اجمل شعور بها الدنيا
مثل ماوالدتك اتزوجت ورزقت بك وبااخوتك
وهاانتم بااذن الله بارين بها
وقائمين ع راحتها
لذلك نصيحه اذا تقدم لك ابن الحلال لا تترددي توافقي
واسال الله ان يرزقك الزوج الصالح يااااااااارب
والذرية التي تسرك وتبر بك
ويخفظ لك اهلك يارب
لكن لي تعليق ع كلمتك حرمت الزواج
ياقلبي دا قسمه ونصيب
احنا مانقول الاخوان مافيهم خير
لكن الدنيا ومشاغلها بتااخدهم من انفسهم واهليهم
اذا الزوج من كتر مشاغله وسفره
بيغيب عن زوجتوه واولاده ليلبي حاجات اسرته ويحقق طموحه
ومع ذلك بيبقى له مكانته كااب ونفس الحال بالنسبه للام
الامومه لا تحرمي نفسك منها هي اجمل شعور بها الدنيا
مثل ماوالدتك اتزوجت ورزقت بك وبااخوتك
وهاانتم بااذن الله بارين بها
وقائمين ع راحتها
لذلك نصيحه اذا تقدم لك ابن الحلال لا تترددي توافقي
واسال الله ان يرزقك الزوج الصالح يااااااااارب
والذرية التي تسرك وتبر بك
الصفحة الأخيرة