كل معاناه في حياتي الزوجيه احط اللوم على امي هي السبب

السلام عليكم
اسمحوا لي اكتب بعضوية قريبتي
موضوعي او بلاحرى مشكلتي اعتبرها جدا حساسه والصراحه كنت جددا متردده الف قبل لا اكتب لكني حقيقه بحاجه لاراء وبحاجه لكم بنات حواء
مشكلتي امي .. حنونه لما كنت طفله عمرها مارفعت يدها علي ولا سبتني لكنها عمرها ماعلمتني شي ؟ ما تهتم ابدا في النظافه لا في البيت ولا في نفسها لما كنت صغيره اتذكر خياناتها لابوي غير انها ماتصلي ...ابوي كان متزوج قبل امي ساعدت في انه يهمل اولاده الي من زوجته الاولى وترك زوجته بعد وصارت امي تشيش على اولاده وبالفعل قدرت تحصل على الي تبيه وتركهم ولا يصرف عليهم لما يجون لنا زياره تعاملهم معامله سيئه لين كرهوا يزورونا .كبرت فهمت اكثر لقيت امي دايم تعصب على ابوي لاتفه الاسباب ومهملته بشكل غير طبيعي لا تسوي فطور هو الي من ايام دراستي وهو يجلس ويسوي الحليب الفطور وهي هاملتنا غير عدم النظافه بشكل مو طبيعي يعني غرفة النوم عمرها ما كنست ولا تطوي الملابس كلهم على بعضهم مرميين منظر الغبار عندها شي عادي لما انظف ماتمدح بالعكس ماتحافظ عليه ممكن القاها موسخه ولا راميه عبايتها في الصاله منظر طبيعي !! الاواني في المطبخ وسخييين وعادي عندها ماتحمسني مع اختي على انا ننظف لان ايش ما نسوي ماتهتم وبالعكس توسخه وغير كذا احس انها تكشر بدل ماتمدح والطبخ ماتهتم فيه بالمره ماله نكهه ولا اهتمت انها تتطور من نفسها رغم ان عندها صديقات عكسها تماما والنظافه الشخصيه عدم ! والله يابنات اكتب وانا متفشله لكن مكبووته ابي افضفضفض هذا وضع طبيعي والا مكبرين الموضوع ؟! ماعندها فوطه طبعا ابوي مايقصر عليها لكن من نفسها ماعندها ليفة ولما شرينا لها ما اعتقد انها تستخدم حتى شامبو ما اشوف عندها ولا احس انها تستخدم الوضع الطبيعي ان دايم ريحة العرق واضحه حتى كثير يعلقون عليها ويتكلمون حتى زوجي يقولي ليه امك كذا ؟ ريحتها ؟ عبايتها ماتلبس الا اسوء شي عندها مع ان ابوي الا تبيه يعطيها وعندها لكنها حابه شكلها بهالصوره ؟! زوجي نفسه يتغذا عند اهلي ويجلس معاهم لكنه كل مره يروح ما يحب يجلس 5 دقايق بسبب الي يشوفه من المكان المقرف الى امي والريحه الي يقول من على الباب واضحه لما نكلم امي ترفض وتعصب والي تشوفه ان ماعندها مشكله المشكله فينا ان موسوسين بزياده ؟! العطور الي عندها تخبيهم ولا تستخدم الا نادر جدددا واللبس اسوء شي ممكن تلبسه ..الما اروح بدل ما اريح عن شغلي في البيت اروح واضطر اني اقوم اكنس والا انظف ؟وقت العشا اما نشتري انا وختي من المطعم والا ابوييقول لنا نسوي العشا مع ان المطبخ لا يطاق وانا اقول في نفسي بدل ما اروح والقى اهتمام القى لا مبلاه من امي معاملتها لابوي سيئه رغم انه كبير في السن لما اقول بشتري له شي تعصب لما اقول لابوي يسأل في اخواني واخواتي الا من ام ثانيه تعصب بشكل مو طبيعي لما اقول بزورهم ترفض مع ان ماسوو شي بالعكس اخلاقهم حلوه وكذالك امهم امي بشكل عام تكره اغلب الي حولنا ودايم تضحك وتعيب على الناس رغم ان كثير يتكلمون عليها وعلى عدم النظافه والاهمال الي واضح حتى اهل زوجي يقولون له ان امي ريحتها واااضحه ومايحبون يسلمون عليها ؟ انصحها باسلوب جداا هادئ لكنها ابد ما تبالي ياما انها تعصب والا تطنش اما ابوي مسكين ياويله ان قال ليش هذا مو نظيف تعصب والا ليش مرمي والا ماتصلي .. لما كنت بنت انا الي اغسل ملابسي وكذالك ابوي هو الي يغسل ملابسه صراحه احس بوحده رهيبه لما اروح لبيت اهلي حتى الكاس اخذه معاي ولما يظل عندهم اروح القاه وسخ وبناتي لما يلعبون القى ملابسهم وسخه ولما تنومت في المستشفى الا قريبه لنا تقول ان بنتي دايم يشوفونها وسخه وتطلع ببجامات وشعرها بدون تمشيط ولما سالت اختي قالت ايه صحيح ؟! لما تزوجت كثير اشياء فهمتها من زواجي واكتشفت ان امي ما علمتني شي ؟؟ بصعوبه صرت احاول ارتب لان بيتنا فوضه متعوده اشوف الملابس مرميه عباة امي مرميه على الارض والا الكنبه شراباتها مرمين في الصاله غير الفواكه والاكل الي معفن في المطبخ ؟؟؟ كل معاناه في حياتي الزوجيه احط اللوم على امي واحس بالغضب اتجاهها وش علمتني ؟! ما اعرف لا ترتيب ولا شي حتى الطبخ تعلمته من اهل زوجي ودايم اسالهم وانا متفشله اكيد بيقولون امي ما تعرف شي ؟ التنظيف صراحه كثير اشياء عرفتها من زوجي ! غير الي قاهرني من وضعي لما اروح لبيت اهلي واشوف امي دايم تعصب بس ابوي يتكلم في شي تعصب لما نروح لمناسبه الكل يصلي وهي جالسه تشغل نفسها باي شي والا تقوم تسوي نفسها تصلي ؟؟ لما ننصحها بالصلاه تعصب وتكشر واكره اني اروح ازورهم ؟؟ نفسي مثل باقي الناس اروح لاهلي وزوجي معاي ونجلس جلسه حلوه والله اتحسر لما اشوف الامهات كيف ؟؟ وانا وضعي كيف ؟ للعلم امي داايم تطلع ولما تطلع في الليل ماتجي الا وقت كتأخر ابوي يعصب لكنها مطنشه الكل لازم يوميا تطلع ثلاث مرات ؟؟؟؟؟مره رحنا لبيت اهلي وزوجي بناء على اصراري جلس في الصاله الا يشوف ..... وانقرف مره وخلاص بيطلع قال لامي شنو هذا الا امي تضحك عندها وضع طبيعي حشرات والا وسخ والا ... كل شي عادي ؟؟ كثير اوقات اتذكر سلبيات امي وكثير لما اشوف نفسي مازلت ما امتلك الدقه والملاحظه في ان المكان يكون باستمرار مرتب ونظيف انقهر من امي لما اروح واشوف وجهها الي شعرها نافش وريحتها وعدم صلاتها واسلوبها السيء مع ابوي واتذكر خياناتها انقهر واحس نفسي وحيده بلا ام ؟؟؟للعلم امي مو كبيره ابداا ابوي يكبرها بسنوات ولاعندي الا اخت وحده البقيه من ام ثانيه