الله يعينك بصراحة اكيد الوضع محرج

امك تكمن مشكلتها في حاجتين الاولى هي

عدم الصلاة وتركها كفر

والشيء الثاني عدم الحياء .... على شان كذا تشوفيها مو مهتمة بالترتيب والنظافة


ادعي لها

والمفروض يوم انك تشوفينها كذا غلطانة يوم تصرين على زوجك انه يدخل بيتكم ويقعد

واستغرب من شيء كيف قدرت تقنع ابوك يبعد عن الزوجة الاولية وهي ماتصلي ولا تنظف بيتها كيف ارتاح هنا اكثر من هناك اذا انتي تمدحين ام هذوليك اكثر

على العموم الصلاة لاتنقطعين عن نصيحتها بالصلاة

والنظافة حاولوا تقنعون الوالد يجيب شغالة متعلمة وكبيرة لان صعب يتغير طبعا بعد هذي السنين

واذا انتي تعانين من بيتك ماهو عذر والله ان امك ماعلمتك .. هذا انا ماتعلمت والى الان اعانيي .. يعني المشكلة بالكسل لا راح الكسل عرفت الوحدة تمسح وتشتغل في البيت .. والله شغل البيت مايبي له عرف النظافة والترتيب يبي لها واحد ماهو كسول ((فمال لامك اي دخل ))

ردود بعض البنات غبية مع احترامي الشديد

اللي يقول ليش تقولين عنها كذا واللي يقول ليه تتهمين بالخيانة

واللي يقول بري امك .. وتجيب احاديث عن بر الام .. ليش شايفتها طاقة امها والا تتلفظ عليها

واللي يقول خليها على حالها احمدي ربك ان عندك ام
ياويلي وش ذي الردود بالله وش رايكم نقفلون القسم احسن

انا اخذت فكرة ان نسبة الفاهمات والعقليات اللي تكتب اراء منطقية 10 بالمائة والباقي الله يخلف

يعني لو هي وحدة ماتحبها عدوة مثلا كان ماطقت لها خبر

اما امها والله احراج ..

هي تشوف امها بترمي نفسها بالنار بسبب عدم صلاتها وتبونها تسكت ..

وجايبة الاحراج لها ولبناتها بسبب عدم النظافة وتبونها تكون راضية وتقول الحمد لله عندي ام

شوفي أختي شكل أمك والله أ‘لم متلبس بها

اللي يحب الوساخة وعدم الترتيب والريحة الكريهة والأمور اللي ذكرتيها مع العصبية ..

غالبا هذي اللي تصير لمن تلبس فيه من أهل الأرض..

طيييييييب حاولتوا تقرأون عليها رغم أنه متأصل فيها والله أ‘لم أعرف حالات كثيرة نفس الحالة

ومو ضروري ...يكون كلامي صحيح ..ممكن تكون مريضة نفسيا وأنتم تشوفون قوتها تفكرون أنها طبيعية

الله يكون بعونك ومالك شغل بحياتك أفصلي بينهم ربي نفسك بنفسك ...وتعايشي مع زوجك وأنسي

أمر أمك ..البته .وربي يصلح الشأن

الف شكر لك والله يعطيك العافيه
بالنسبه انها اقنعت ابوي يترك الزوجه الاولى مثل ماقلت فيه امور ما اقدر اذكرها والشي الثاني ان امي اخذها صغيره وهو يكبرها بعدة سنوات وكان اهتمامها بنفسها افضل من الحين ولها اسلوب سياسي مرغوب فيه
امي مو بس عدم صلاه وعدم نظافه الا تعامل ابوي معامله مره سيئه غير انه صار وحيد الحين بعد ما اولاده كرهوا يجون بسبب معاملتها لهم وعدم النظافه اضافه الى كرهها للناس ودايم تحسد اي احد يمتلك وحتى الي مايمتلك
حاولت اقنع زوجي لانه دايم يقولي نفسه يجلس مع اهلي ابوي وامي يقولي احس بالحسره لما اسمع ازواج بنات يزورون اهل زوجتهم ويجلسون معاهم على وجبه نفسه يجلس معاهم ويسولف وياهم وفي كل الاحوال هو يشوف امي ويلاحظ احيانا يدخل عشان اغراض عنده لي فيشوف بالصدفه بصراحه الوضع مايتخبى ملحوظ ولما بناتي يروحون ويرجعون يشم فيهم ريحه كريهه يقول من .... انا عن نفسي تكلمت كثير مع امي حتى اخواتها تنتقد فيهم وتحسدهم رغم انهم والله على نياتهم وطيبين مره ودايم يسألون عنها لدرجة ان مره سوت موقف لاختها الكبيره وظلت تصيح قدامنا كلنا بسبب حركات امي الي تحاول تستفز الي حولها وبعدين حتى جدتي تضايقت من اسلوب امي والله وش اقووول كثير امور صعبه مادري امي وش فيها ؟؟ انا عمري ماضايقتها عشان البنات تردون علي بردود قاسيه وهي اصلا تحبني كثيييير مافيه مشكله بيني وبينها من ناحية المشاعر لكن المشكله في الي ذكرته فاتمنى بعد الي ردوا رد قاسي يتنبهون ويقروون تمام الي كتبته