بسم الله الرحمن الرحيم :26:
السلام عليكم ورحمة الله وبركاته :26:
كيفكم يا بنات :26:
يسعدلي ايامكم يارب وبفرح كل وحده منكم:26:
ويسخر لكم ازواجكم ويرزقكم الذريه الصالحه عاجل غير اجل:26:
طبعا البعض منكم يعرفني
انا متزوجه من تقريبا 7 سنوات
حملت 4 مرات واجهضت كلهم تقريبا بشهر ونص
ماخليت شي ماسويته
كليت انواع الحبوب والمنشطات
ضربت بانواع الابر مابين تنشيط وتفجير
حتى التحاميل استعملتهم
طبعا ورحت للطب الشعبي ماخليت خلطه ولا علاج الا استعملته
ودفعت ما اراد الله وماكتب لي ربي
تعرفون الوحده مننا لمن تتاخر في الانجاب يبدون الاقارب والحبايب بمدح المستشفى الفلاني والدكتوره فلانه والمعالجه فلانه
واحنا نتعب كل ييوم رايحين
المهم كلنا نعرف انه كل شي بيد الله سبحانه وتعالى
وامره بين الكاف والنون ان اراد شي قال له كن فيكون
بصراحه انا حبيت افيدكم ومابي منكم غير دعوه صادقه انه ربي يثبت حملي وتقر عيني بشوفة ضنايي
رحت لوحده معالجه ماشاء الله عليها ربي يديم عليها العافيه
من جيتها وذكر الله مافارق لسانها وحتى كلامها يريحك يابنتي وياحبيبتي
عطتني ادويه وقالت لي وكلي امرك لله وانا مابيدي انك تحملي الرازق الله وانا انما سبب بعد اذنه سبحانه
ولو ااراد الله وكتب لك راح تحملي بامره
الادويه عباره عن مخلوط يوضع مع الشاي واشربه في اليوم 3 مرات الين وقت الدوره
وخلطه احطها مع مويه واعجنها واحطها على اسفل البطن كل يوم لمدة 7 ايام
طبعا ما استمريت عليهم
تعرفون الانسان بطبعه ملول
بس استعملت الخلطه ع بطني تقريبا 5 ايام وكانت فيها حلبه وزوجي موجود وصعب الريحه
والمخلوط استعملته فتره وتركته
قالت لي اجيها لمن تجيني الدوره طبعا ما رحت لانه ماكان عندي احد قلت استنى الدوره الثانيه واروح لها وجا وقت الدوره واتاخرت وطلعت حامل ولله الحمد والمنه
طبعا الي بيروح لها لازم يكون موجود قدام بيتها قبل الفجر
لانه بعد الصلاة خلاص ماتجلس
وهي بالقصيم بمدينه اسمها الذيبيه واسمها ام ناصر
اليي تبي رقمها تطلبه من الخاص
واسفه على الاطاله
بـنـت مـامـا @bnt_mama_1
محررة
يلزم عليك تسجيل الدخول أولًا لكتابة تعليق.
rosyyazn
•
ماشاء الله الله يثبت حملك
نوفاتيك
•
وعليكم السلام ورحمة الله وبركاته
ماشاء الله تبارك الله
ألف ألف مبرووووووووووووك
الله يتمم لك حملك ويقر عينك بشوفة ضناك
آميييييييييين
ماشاء الله تبارك الله
ألف ألف مبرووووووووووووك
الله يتمم لك حملك ويقر عينك بشوفة ضناك
آميييييييييين
الصفحة الأخيرة