كل من تستخدم المره او غيرها تدخل تحذير * تحذير * تحذير

السلام عليكم ورحمة الله وبركاته :02:

اخواتى الصراحه سمعت شيء حول موضوع فحبيت انبهكم عنه القصه وما فيها انه في وحده راحت عند دكتورة نساء عشان عندها النفاس ما طاعت تخلص فقالت خل اروح المهم بعد ما سألتها وانتهت جت هالحرمه وسألتها عن المره فقالت لها الدكتوره عالطول لا تستخدمى اى اعشاب لرحمك قالت لها إن الحين عندى وحده تراجع في العياده استخدمت مره وهذيه مبهذلتها وهذينى جالسه اعلجها فيا اخواتى انتبهوا والامر الاخر إلى قالت عنه سألتها هل هى تستخدم غسول فقالت لاء فقالت لها المفروض الوحده من يوم تتزوج تستخدم الغسول

كل الكلام هذا انا ما ادري عنه لكن انا حبيت انقل لكم هذا الحديث خوفا عليكم والله لا اقل ولا أكثر لكن بالنسبه للغسول فأنا ما ادري عنه ممكن انتى تروحى لدكتورة نساء وتسألينها عن إلى يناسبك لانه في انواع ما تكون كويسه وما تناسب جسمك فهذى المنطقه انتبهوا لا تجازفون فيها يعنى مو مثل شعر ولا بشره تحطين خلطه ويعنى اذا ما ناسبت لك اقل شيء راح يطلعلك حبوب وخلاص صحيح انه لها مشاكلها ومو معناه اقول هذا الكلام انكم تجازفون ببشرتكم لكن ابي اوصلكم إن هذى المنطقه لو حصل لها شيء ربما تحرمك من الأمومه كذلك يا حريم اذا حسيت بشيء غريب لا تغفلين عنه بالعكس استشير الدكتوره على طول لان بعض من اسباب العقم الله يشفي جميع المسلمين والمسلمات والله لا تحرم احد من الخلفه ممكن اذا ما علجتيها مبكر مثلا بعض الألتهابات تؤدي إلى انسداد قناة فالوب فأنتبهي مره وحده اعرفها راحت لعند الدكتوره ويوم كشفت وسوت تحاليل لقت عندها مرض معين فقالت لها لو ما اهتمت وعلجتى بسرعه يمكن ما تحملي ابد فأحذروا كل الحذر ومو كل ما يناسب زميلتك جارتك اختك يناسبك وسلامتكم
ولا تنسونى من صالح دعائكم ......