ROoORo :

بسألكم .. هي تسبب اكيااااس يعني ؟؟ وثاني شيء كأني اذكر بس مو متأكده انه وحده تقول كان فيها ودايما تسقط عشان البطانه مهاجره عندها ؟؟ ماادري صحيح والا لأ ؟؟

بسألكم .. هي تسبب اكيااااس يعني ؟؟ وثاني شيء كأني اذكر بس مو متأكده انه وحده تقول كان فيها...

boba boba :

انا رجعتلكم تانى يارب تكونو فاكرنى يابنات انا رحت للدكتور انهاردة وقولت اجى احكيلكو على اللى حصل معايا انتو عارفين طبعا ان انا عندى اندومتريوزيس وده مسبب لى اكياس دم على المبايض وكمان تسبب ان فى انبوب من الاتنين مغلق وطبعا عارفين انا لفيت على دكاترة كتير وكل واحد برأى وكان هناك رأين عليا انى اختار واحد منهم اول شئ انى اخد زولادكس عشان اوقف نشاط المبيض لغاية ما اقدر انزل مصر واعمل المنظار او انى ابدأ فى المنظار على طول ومفيش داعى للتأخير لانى كده كده هعمله بس كانت كل المشكلة انى محتاجة دكتور مناظير كويس عشان كده قولت انزل اعملها فى مصر واخترت انى ابدا اخد الزولادكس وفى خلال الفترة دى سمعت عن دكتور كويس جدا وبيعمل المنظار هنا فى الكويت فقولت اروح استشيره وهو اللى رحت له انهاردة وبعد ما عمل لى السونار وشاف كل تقاريرى الطبية قالى الحقن مفيش مشاكل منها بس هى مش هتعمل لنا حاجة لان كده كده هى مابتنهيش تماما على الاكياس والمنظار هو افضل الحلول فسالته على موضوع اننا نشفط الدم من الكيس اللى على المبيض من المهبل زى ماتوتا قالتلى فقالى ان ده هيشفط الدم بس وجراب الكيس هيفضل ومش مضمون 100% انه ينهى عليه واحنا كده بنضيع وقت على الفاضى وبصراحة هو كويس وشرح لى الموضوع من الاول وبصدر رحب وهو معاه برضه 3دكاترة مساعدين انا دخلت على واحد قبل ما اقابله عشان يعرف كل البيانات بتاعتى وهو يناقش حالتى مع الدكتور وفعلا دخلناله بعد كده بس الدكتور اللى قابلته الاول شكر لى فى الدكتور ده جدا وانه واحد من 11 دكتور حول العالم متخصصين فى جراحة المناظير والدكتور ده قالى لازم ابدأ فى اسرع وقت واعمل المنظار وطبعا انا مكنتش مستعدة ولا نفسيا ولا ماديا فقولته انا افضل انى استنى شهرين او 3 عشان اكون على الاقل جهزت مبلغ العملية لانها تقريبا هتتكلف من 10 الى 12 الف جنيه وقولتله اذا كنا نقدر نتابع باى علاج فى الفترة دى قالى اننا ممكن نبدأ تنشيط لشهر واحد بس ونشوف ايه اللى ممكن يحصل ولما قولتله ان التنشيط ممكن يزود حجم الاكياس لقيته اتضايق وقالى الكلام د ه مش صحيح وحسيت انه من كتر ما لاقانى فاهمة وبناقشه حسيته زهق منى وقالى انى ماينفعش اكون دكتورة ومريضة فى نفس الوقت ولازم اثق فيه وفى رأيه وقالى ان الامر فى الاول والاخر راجع ليا وقالى ان اشايف انك تعملى المنظار الاول بس لو انتى عاوزة تاخدى تنشيط الشهر ده انا معنديش مشكلة و انا بقولك انه مش هيكبر حجم الاكياس ولا اى شئ والكلام ده على مسئوليتى بس انا مش عارفة ليه بعد ماطلعت من عنده كنت متضايقة قوى يمكن عشان مكنتش عاوزة اعمل المنظار وانا بعيد عن مصر ومش عارفة بقى اعمل ايه ولا اخد اى قرار ابدا تنشيط الشهر ده ولا استنى واعمل المنظار وخلاص بعد شهرين او 3

انا رجعتلكم تانى يارب تكونو فاكرنى يابنات انا رحت للدكتور انهاردة وقولت اجى احكيلكو على اللى حصل...