بذكر قصتي بالتفصيل في وقت ثاني بس سؤال مستعجل

متى تجي الدورة بعد المنظار ودورتي الحمدلله منتظمه وتجي كل 26 يوم بس الحين صار لها 33 يوم ولسى مانزلت
واول مرة تتاخر علي وحللت تحليل منزلي سلبي ؟؟

ياحبيبتي ياحلا ادخلي وفضفضي بلاش تضغطي على نفسك كذا ...ارحمي حالك اشوي وتوكلي على ربك مابعد الضيق الا الفرج ان شاء الله ....

اما اخر اخباري ....من بعد ماارتحت سنتين من الالام وشبح المرض الان لي كم يوم يجيني الم بالمبييض اليمين

نفس الالم الي كان يجيني بوجود الاكياس ....يالله عفوك ورحمتك وماني مستوعبه اني راح ادخل في نفس

المعمعه الي عانيت منها سنين وما ارتحت منها سوى سنتين والله لسى مانسيت الالم والمعاناه والادويه والابر والعمليات

احس اني تايهه ضايعه ومخنوقه مجموعةمشاعر وماعندي حدا اشتكي له الا رب العالمين

والحمد لله على كل حال

حياك الله حبيبتي بيننا .....تجي بوقتها بس يمكن تتاخر كم يوم لاتقلقي

طييب بعد المنظار ماعطوكي ابر تمنع نزول الدوره كما هو المعتاد للمريضات بهذا المرض

اذ ا اعطوك الابره فيكون من تاثيرها وان شاء الله ربي يشافيك ويرزقك حملا سليما معافى

امنيه
مشكورة حبيبتي على الرد الله يشافينا من هالمرض باقولج بإختصار قصتي
رحت فحصت عن تأخر الحمل بداية زواجي لان احب اليهال وقالو لي كيس حجمه 3 والثاني حجمه 2 على المبيض اليسار
وبعدها بشهر مافيه الا كيس واحد حجمه 3 والثاني راح وظليت على هالحاله 8 شهور وانا اسوي سونار اشوف الكيس مرة
يصير حجمه 5 او 4 واخر شئ ظل على حجمه 3 وعندي حجم البويضه صغيرة وانا ودي اخذ منشطات بس الدكتور
قال لي مايصير علشان ما يكبر الكيس وبعدها قررت اسوي منظار وسويت وشلت الكيس والصدمه قال لي معاي بطانه الرحم
المهاجرة بس بدرجه خفيف مو منتشرة بكل الحوض وماتحتاجي ابراه ترفع الدورة بس اخذي حبوب دفستون من خامس يوم
الدورة بس تمنع الحمل لمده 3 شهور وبعدها يعطيني منشط ........... بس الحين آخر دورة لي تاريخ 5/1 وللحين مانزلت
وسويت تحليل منزلي ماكوو وخايفه اسوي تحليل دم واندقر واول مرة تتأخر علي
قلت يمكن من تأثير المنظار او المضاد !!؟؟ شنو رايك

اي ليش مافيه الا 3 مشاركات باليوم؟؟ ولا فيه رسائل خاصه؟؟

اختي بسكوته لازم تكملي 50 مشاركه كل يوم لك 3 مشاركات فقط وبعدها تقدري تشاركي باي وقت وتفعل لك الرسائل الخاصه


بما انوه البطانه عندك خفيفه هذا شئ طييب وان شاء الله تكوني حامل ...بس حبيبتي الي اعرفه انوه الدفستون مايمنع الحمل بالعكس هو يعطى لتنظيم الدوره وتثبيت الحمل لو حصل

وما اعتقد المضاد الحيوي بياثر على الدوره وبياخرها ....سوي تحليل دم واقطعي الشك باليقين لو طلع حمل بيكون ممتاز كثير

وان كان مافيه حمل ادخلي عللى الدكتور وشوفي الاسباب