السلام عليكم ورحمة الله ..
كيف حالكم اخواتي..
أسأل الله أن يشفي كل مريضة.. وأن يرزق كل محرومة بالذرية الصالحة..

أنا مريضه بهذا المرض وسأسرد عليكم ما حدث لي..
انه اكتشفت هذي الاكياس يوم حملت بحملي الأول ووقتها كان لي شهر ويوم صاري لي شهرين مات البيبي ف بطني وسويت تنظيف وبعدها حولتني الدكتورة الي دكتور عشان يشيل الاكياس ووقتها كان حجم الكيس 10سم كيسين ف المبيض..وشلهم لي الدكتور وسوا لي كي مكانهم طبعا بالمنظار ووقت العملية انفجر الكيس فاضطر ان يفتح فتحه نفس القيصري والحمدلله الله ستر..ووعطاني ابره توقف الدورة لمدة ثلاث شهور ووقفت الدورة لمده 5 شهور وبعدها بفضل الله حملت مرة ثانية ولكن للاسف الشديد ان الحمل كان كيس فارغ من غير جنين وسويت تنظيف..وبعد سويت تلفزيون عشان اتاكد من وجود الاكياس قالت لي الدكتور ان في كيس حجمه 4 سم وقالت لي انصحج تشيلينه..
وسويت فحوصات شامله طلع كل شي سليم بس قالت الدكتورة ان في تخثر ف الدم هو اللي يسبب الاسقاط ..
وخذيت كل التقارير والفحوصات والتحاليل والنتايج..وانه احين ف امريكا مرافقه مع اخت زوجي وعرضت ارواقي ع الاطباء والحين الدكتورة في مستشفى جون هوبكنز عادت لي التحاليل الخاصة بتخثر الدم وعملت لي تلفزيون بالصبغه وقالت ان الرحم سليم وقناة فالوب بعد سليم ومفتوح، بس سوت لي التراساوند ثاني عشان تتأكد إذا في الياف والا لا ولان اول فحص قالت ان عندي الياف، واخذت عينه من الرحم..

ولين الحين ما شفنا النتايج ننتظر الموعد..

افيدوني اخواتي جزاكم الله خير.. انه قرأت الصحات اللي قدرت عليها وشفت ان اغلبكم مسوي اطفال انابيب عشان الدورة الشهرية..

انا ايضا اعاني من هاذا الداء ادعوا لي بالشفاء

هلا اخت امونة الله يشفينا من هالمرض أنا الحين أخذ الحبوب ماني موقفتها الا وقت العملية أنا راح اسويها في مجمع الملك فهد العسكري طيب ممكن اسالك انتي متي اخر مرة عالجتي عنها وهل راحت اثرها عنك الحين ابي اطمئن واحس انها ممكن تروح

هلا اختي كيشمارا
الله يوفقج حبيبتي ويسر لج العملية..

انه سويت العملية تاريخ 2-2-2011 وبعد ما اخذت الابر لمدة ثلاث شهور وما اجت لي الدورة 5 شهور وبعدها حملت مرة ثانية ..يعني من بعد العملية ما جاتني الدورة 5 شهور وحملت وبعد ما تم الحمل واول ما عرفت اني حامل سويت التراساوند قالت الدكتورة ان في كيس وحجمه 4 سم

هلا بنات
أنا سويت العملية شهر شهر ثلاثة يعني من ثلاثة شهور تقريباً ووصفت لي الدكتورة ابر توقف الدورة لمدة ثلاثة شهور ولسه اخر إبرة أخذتها من أسبوعين ويارب يسهل يارب، المعروف ان هالمرض ماله علاج نهائي! نقدر نخفف منه بالرياضة وبطبيعة اكل معينة و ڤيتامينات بس كعلاج نهائي للأسف مافي! عشان كذا الدكاترة ينصحو بالحمل لأن الدورة راح تنقطع طول فترة الحمل وهذا علاج ولو مؤقت للحالة، أنا عن نفسي عندي التصاقات شديدة عشان كذا راح اعمل أطفال أنابيب...
يارب شافينا وعافينا ياالله