صباح الخير للجميع
والله العظيم اني اكتب لكم هالكلام وفيني غصه وحسره مدري لمين اكتب ولقيت هنا انسب شي اكتب فيه اضمن ماحد بيشفق علي بعد هالكلام ماني ناقصه شفقه من الناس الي حولي تعبت والله
انا تطلقت ماطولت اقل من سنه بدون اطفال وكان السبب منه هو مدمن مخدرات حسبي الله عليه حملت لقب مطلقه بعمر المفروض اكون بالعمر ذا اجمل ايامي اعيشها والله اني اهني كل وحده تزوج وتعيش حياه سعيده مع زوجها هالشي كان حلم من احلامي وانصدمت بالواقع يوم تطلقت ماخفي عليكم انا ارتحت الحمدلله لانه تسبب لي باشياء مو كويسه مثل دمر نفسيتي وصرت مطلقه بس يوم صرت عند اهلي ارتحت لكن بعد مرور سنتين من الطلاق اتجرع يوميا الحسره والالم والقهر خصوصا اذ شفت اللي كبري تزوجوا وخلفوا واللي اصغر مني بسنين تزوجوا انا يجون لي خطاب بس كلهم متوهقين بحياتهم اللي تقول باخطب لك اخوي تصيرين زوجه ثانيه واللي تقول اخوي يبيك مطلق وعنده اطفال حسيت اني كل من توهق خطبني
بس واحد تقدم لي وزوجته متوفيه يعني ارمل بدون اطفال بس كان كبير بالعمر 46 بس رفضته حسيته كبير علي وفرق بالعمر وماحس عنده رومنسيه لان والله يابنات فقد الاب خلاني اصير عاطفيه وكل حلمي الرومنسيه والكلام الحلو
هاجسي الزواج عمري 30 جامعيه ابوي متوفي من زمان وللاسف اخواني طايحين بطريق المخدرات تعقدت والله
دايماة عندي امل اني راح اخذ واحد عزوبي او مطلق بدون اطفال غيرهم ماقبل ابدا حاولت اتقبل ارمل ومعه اطفال او معددد عجزت احلامي ورديه اني باعيش حياه رومنسيه مثل مايحكون لي بنات قرايبنا او صديقاتي والله العظيم اذ حكوا لي عن ازواجهم تجيني غصصصه دعواتكم لي
وبدون تعاطف قولوا اللي بخاطركم ووش تنصحوني فيه من واقع او من تجربه الله يفرج همي وهم كل من ترد علي
كومة حكي1 @kom_hky1
عضوة نشيطة
يلزم عليك تسجيل الدخول أولًا لكتابة تعليق.
الله يرزقك ويعوضك بالزوج الصالح اللي يسعدك طول حياتك ياربالله يرزقك ويعوضك بالزوج الصالح اللي يسعدك طول حياتك يارب
الله يرزقك بالزوج الصالح اللي تتمنين يارب لاتياسين ربي سبحانه كريم
زائرة
•
الله يفرج همك يفرج همك ويعوضك خير ويرزقك زوج صالح وذرية صالحة يارب🌹
معلش حبيبتي بلاش احلام ورديه بزياده
الرومانسيه والكلام الحلو بيدك انتي بعد الزواج تعلمي زوجك عليه
يعني كان رضيتي بالارمل ابو 46 سنه
مو كبير مره ! و الرجال بهالعمر يعتبر لسا شب
وخليك من كلام قريباتك الي مخلين الزواج بعينك واوووووو
فكري بعقلك مره ثانيه ومصلحتك
الرومانسيه والكلام الحلو بيدك انتي بعد الزواج تعلمي زوجك عليه
يعني كان رضيتي بالارمل ابو 46 سنه
مو كبير مره ! و الرجال بهالعمر يعتبر لسا شب
وخليك من كلام قريباتك الي مخلين الزواج بعينك واوووووو
فكري بعقلك مره ثانيه ومصلحتك
الصفحة الأخيرة
ادعي ربك
لا تنسي تفرشي سجادتك يوميا في الليل
والله كل شي راح يتغير
بس انتي اصبري
والله ع ما اقول شهيد
اني كل ما دعيت ربي استجااب لي يارب لك الحمد
لاني واثقة انه ما راح يخيب ظني ابدا
لانه سبحانه المستجيب
انتي ادعي وخليك واثقة ومحسنة ظنك بربك
الله يرزقك بالزوج الصالح اللي يخاف ربه فيك 😙