كل من جرب ولم يجرب غسالة الصحون

لو أنا مكانك أختي أشتريها على طوووول
فيه ماركات تجننن وعملية مرة وأكيد فيه لا

استخدمتها في امريكا تجيب المرض وكل شوي خربانه او منسده المغسله وتطلع ريحه مو طبيعيه اول كنت اتوقع انه بس معي بس لما سالت البنات الي هناك كلهم يشتكون من الريحه الي تطلعها وتشهب في الصحون ولها صابون خاص وتطول تاخذ مويه كثير تقريبا تجلس ساعه الا ربع صراحه رجعت اغسل صحوني بسرعه ..مااعجبتني

عملية جدا طبعا وبصراحة أنظف جدا من الجلي العادي

قريبتي عندها غسالة صحون وتمدحها مره
تقول تخلي المواعين تلمع , وما تتخدش زي الغسيل العادي

وبعدين غسالة الصحون فيها ميزة معروفه وهيا انها تقتل الجراثيم وتعقم
اتوقع بفعل المويه الحارة
يعني غير النظافة واللمعة تكون معقمة كمان

انا عندي ال جي شريتها من 6 شهور لاني استغنيت عن الشغاله ولله الحمد

ماعليها كلام حلوه ومريحه وعمليه وسهله في الاستخدام مره بس يبيلها اهتمام يعني تنظيف فلترها كل اسبوع تنظيف الغساله وتشغيلها وهي فاضيه يعني تغسل نفسها بنفسها ...
عيبها الوحيد تغير في بعض المواعين يعني الملاعق مثلا بعد مده تصفر الصحون وخاصه الميلامين تصفر وهذا امر عادي بالنسبه لي كل اسبوع انقع الملاعق في صابون وكلوركس وترجع جديده والصحون اغسلها مره كل شهر بايدي وترجع جديده بس مع مواعين الصين القزاز رهيييييييييييبه ماعليها كلام عشان كذا افكر اغير الميلامين للصين اريح...


زبدة الكلام اذا ما تبين شغاله توكلي على الله واشتري الغساله....