حرمة زورو @hrm_zoro

عضوة جديدة

كل من حولي ابتعد مابقى منهم احد

السلام عليكم ورحمة الله وبركاته

كيفكم اخواتي بنات حواء !

ابدخل بالموضوع على طول احس اني مهمومه وحبيت افضفض شوي اللي رايقه وبتسمع لي اقصد بتقراء لي وتعطيني تعليقها على كلامي جزاها خير
واللي مو رايقه ومشغوله على طول تضرب فرامل وترجع ريوس << دخلنا في السواقه :icon8:

بنات من اللي مثلي :icon33:

احس اني مهمومه ناظروا العنوان

كنا شله وناسه وضحك وفله

شله مترابطه قلوبنا على بعض ونخاف على بعض ونحب بعض حيييييل

فجأه وبدون سابق انذار كلن راح بطريقه التفت حولي مالقيت احد .. احس الدنيا ضاقت بي كلن راح بطريقه

كل اللي حولي راحوا وكأن مسباح انقطع وانتثر حباته << تشبيه بليغ

خمسه من الشله تزوجوا الله يوفقهم ونسوني
و 3 سافروا الى مناطق مختلفه و وحده راحت بحال سبيلها مااعرف لها رقم والا جوال
مابقى الا صديقه لي مخلصه انا متعلقه فيها حيــل و بالعيد بتتزوج وتسكن بمدينه بعيده وتروح مثلهم وتتركني :44:

احس الدنيا ضاقت بي

من مثلي تحس بالوحده !
كنت بسـعاده ماتتصورونها
يمر يومي واحس بحلاوته والله ماتتصورون ماكنت احب يجي الليل ماابي انام عشان اضل معهم بالتلفون نجمع المكالمه ونستهبل على بعض وتنكيت وضحك ووناسه وننتظر يطلع الصبح عشان نتقابل
وياويل وحده تغيب ههههههه
بس الحين صرت بهم وغم ليه كذا .. اكره الفراق ><
ماانكر صديقتي معوضتني كثير وانا بسعاده معها بس بعد شهرين بتتزوج وتنتقل مدينه ثانيه

الناس راحت الناس هجت وعاشت دنياها وانا باقي بحزني وذكرياتي ابي انسىىىىىىىىىىىى
ابي اعيش حياتي زيهم مااقدر
ليه ؟
عجزت انسى ايامنا واحلى الذكريات
كل ماجلست لوحدي تذكرت ايامنا وبكيت
والحين صديقتي راس مالي بتروح وتتركني حالها حالهم
مستحيــيــيــيــل
مااتخيل
احس اني بمووووووت من الهم :icon33:

واللي زايد همي الناس تغيرت الدنيا ماعاد زي قبل << اللي يسمعك يقول بالستين :icon8:

مو تحسون الناس تغيرت

انا وانا في المتوسط اشياء كثير اجهلها
وانصدم في اختي اللي باأول متوسط عارفه كل شي ولا كنها الا متزوجه يادافع البلا
الفساد انتشر ... الغلا زااد .. البنات اشوف عدد كبير صايعات << مو كلهم بس اغلبهم الا من رحم ربي
الاغاني صارت شي طبيعي والوحده مشغله بجوالها اغنيه ولا كنها جالسه تعصي ربها وقبل ماكان كذا ابد
العيد ماله فرحه زي قبل .. الدنيا صارت سامجه

مـادري هي بنظري انا بس والا حتى انتوا تشوفون هالتغير !!

ادري جبت لكم الهم :(

احترت وش اسوي و احس اني بخسر صديقتي بعد شهرين بعد ماكنا 24 ساعه مع بعض
بس حسيت اني مهمومه وقلت افضفض لكم :44:

يلزم عليك تسجيل الدخول أولًا لكتابة تعليق.

تسجيل دخول

صحن فتوش • 15 سنة

تعوذي من ابليس يا بنت الحلال هذي سنة الله في خلقه كلنا كذا جمعتنا المدرسه وتفرقنا خلاص وهذا حال الدنيا تجمع وتفرق وانا عارفه انه صعب عليك بس خلاص كلن يعيش حياته وزميلاتك الي تزوجن عادي كلمن بعض وسيرن على بعض وش الي يمنع ؟
وبكرا تتعرفين على زميلات جدد وتنسين القديمات
حاولي تتعودين وبكرا يرزقكك ربي الزوج الصالح وتسوين زيهن وتلهين بحياتك صدقيني كلنا كذا ودنا ترجع ايام الدراسه ودنا نعرف عن زميلاتنا وش صار عليهن عايشات ميتات الله اعلم جمعتنا المدرسه وفرقتنا الدنيا
وان شاءالله ربي يجمعنا ومن نحب بجنات الفردوس على سرر متقابلين امين يارب العلمين اهم شي
هدي نفسك واشغلي السانك بذكر الله واكثري استغفار وقراءة قران وراح تهدا نفسك
والله يرزقكك ما تتمنين يارب

مركب بلا مجداف • 15 سنة

بيجون المشرفات الحين ماشين الفين ينقلون موضوعك للاسريه والا الاجتماعيه عادي

بس عشان تدرين وين راح موضوعك

الموهم قولي آمين عسى ربي يرزقك بالزوج الصالح اللي يشغلك عن الناس
وهنا بالمنتدى كلنا خوات وصديقات ولا يضيق صدرك

عشق القهوة • 15 سنة

لا هذا حال البنات والاولاد كمان بمجرد ماتتزوج الوحدة او يتزوج الولد خلاص الحياة تتغير المسؤليات تكتر ولاتزعلي بكرة ان شاءالله تتزوجي وتتلهي مع زوجك واطفالك وتنسي انتي كمان عموما الوحدة لمن تكبر تخف علاقات الصديقات وتتقرب للاهل اكتر وتبقى كل مرحلة لها ممميزاتها ترجعي تتعودي على الوضع ان شاءالله تنخطبي وتنسي الناس كلهم مم الفرحة

~~أم فيصــل~~ • 15 سنة

مركب بلا مجداف :

بيجون المشرفات الحين ماشين الفين ينقلون موضوعك للاسريه والا الاجتماعيه عادي بس عشان تدرين وين راح موضوعك الموهم قولي آمين عسى ربي يرزقك بالزوج الصالح اللي يشغلك عن الناس وهنا بالمنتدى كلنا خوات وصديقات ولا يضيق صدرك

بيجون المشرفات الحين ماشين الفين ينقلون موضوعك للاسريه والا الاجتماعيه عادي بس عشان تدرين...

مافيه شي له نفس وناسة اول
بس موضوع صديقاتك طبيعي ومافيه شي يبقى مثل ماهو عليه وماتدرين يمكن تجتمعون بعد سنين
وانتي اذا تزوجتي بتنشغلين مثلهم وتكون لك حياة غير
هي كذا الدنيا :29:

شمس العمر • 15 سنة

كلنا مرينا بنفس الحاله كلنا تزوجنا وانشغلنا عنبعض
بس ثقي ثقة تامه مافيه احد من صديقاتك ناسيتك بالعكس تلقينها الحين مثل ماتتذكرين انت الايام اللي جمعتكم على
الحلوة والمرة هي بعد تتذكر
وهذي سننة الحياة
ومافيه احد بيدوملك
وانا عندي امل كبير ان نصيبك بيجيك في اقرب وقت وبتنشغلين في نفسك
ومبروووووووك مقدما والله يسعدك