كل من دخلت هالموضوع مهمومة ستخرج سعيدة باْذن الله كما كنت سابقا وكما أصبحت

السلام عليكم ورحمة الله وبركاته
تذكرون يابنات يوم كنت أجي اتبكى وموسوسة وشايلة هم الدنيا والناس ترضى عني ..
ماشفت وحدة فيكم أخذت كلامي باستهزاء كل وحدة فيكم كان كلامها لي مثل البلسم على قلبي عرفت وش كثر قلوبكم وأرواحكم تحمل بداخلها طهر الدنيا كله
اكثر موضوع كنت أجي أتشكى لكم منه الزواج وإني صرت ثلاثين ووو ومن بعد كلامكم لي اللي كُنتُم تقولون لي خلك مع الله ولا تخافين من شي رزقك مع الله استغفري كثير وكلكم كُنتُم تدعون لي بقلب طاهر اللي صار التالي ( انتظمت بفضل الله على الصلاة بوقتها - الاستغفار والدعاء والكلمة الطيبة والصلاة على النبي صلى الله عليه وسلم ترافقني - انشراح الصدر - ماشيل هم شي ولا أفكر باي انسانة آذتني وتكلمت فيني وتكرهني ماخاف ولا أفكر بأحد دام الله معي ) اللي صار ان كل مناماتي واحلامي صارو المفسرات يقولون ماشاء الله على هالرؤى تخيلو ان كل هالشهر احلام مفسرة لي بالزواج وحلمين تفسرو لي انه زواج قريب وحمل مباشرة بعد الزواج يعني فعلا ربي معك بكل لحظة مااعرف كيف أشكركم أنكم دليتوني على طريق صحيح وانا مبسوطة ان بكرا الجمعة ابكثف الدعاء والصلاة على النبي صلى الله عليه وسلم وباذن الله قريب أبشركم بملكتي
صحيح : عشان أعيش حالة الرضا الداخلي سويت فورمات لجوالي خليته كنه جديد طالع من الكرتون من كل بحث عن الأفكار السلبية والشكاوي والغيبة وكل شي منكد حياتي وحلفت ماستخدمه الا بكل طيب وفعلا تغيرت نفسيتي معه وحسيت ان رضا الله يحيطني
(كل من قرأت هالموضوع او اي موضوع لي او ردت على موضوع او دعت لي غيبا اسأل الله لها ان لاتغيب شمس الغد الا وربي محقق لها كل أحلامها ورزقها من حيث لاتحتسب وان لا تأتي سنة 1438 الا وربي محقق كل أحلامها وأجاب كل دعواتها )


اعذروني لو الكلام ملخبط والمواضيع متداخلة بس ابي احسسكم اللي أحسه الحين