السلام عليكم ورحمه الله وبركاته
ابدا الموضوع لا مقدمات ولاشي ابداه كسوالف اعتبروها يمكن توصل اكثر في اكثر من موضوع ادخل احصل كلمات سب وشتم للمعلم والمعلمه وكانه ياخذ اموال الدوله وهو لا يستحقها ماندخل موضوع الا ونحصل فيه ان المعلم يهدر افكار الطلاب وان المعلمه مهمله وغير حيويه وغير متفهمه وغير وغير الكثير الكثيرررررر
انا ماني واقفه مع المعلم ولا مع المعلمه لكن انا معلمه ومن واقع المدرسه وعشت الوضع عن قرب هالمعلمه الي مهمله تحاول قدر المستطاع تنمي معلوماتها من الكتب والنت ومن اي شي يساعدها لشرح درسها وتوصيله زين هالمعلمه لاوقفت طالبه وسالتها عن شي يخص الدرس تحس نفسها جد بصرح تعليمي تحس انها تعطي شي ثمييييييين ومو الكل لكن ثلاثه ارباع الي بالكادر التعليمي وبالصرح التعليمي يخافون الله فيما عندهم واذا فيه قليل سيئ فلا يطغى على من ارهق نفسه ليوصل علم وليجعل كسبه حلال !!
خلونا لو مره ننتقل لطالب و الطالبه تجينا البنت واهلها معلمينها على خذي حقك لا تكوني ضعيفه فتجي البنت وقحه وقليلة ادب تبي منك الكلمه لجل تردها لك قدام زميلاتها ويضحكون ولا تشكي للاداره تري مالك حق راح يقولو هي مراهقه وانتي ماضبطيهم والا ماكان سوو كذا ! طيب خلاص احكمهم لو بتحكمينهم لا تضربينهم الضرب ممنوع ولا تهاوشين تجرحين مشاعرهم ولا تقولي لها يابنتي ياحبيبتي كلام مخل بالاداب اوكي وش الحل ما ادري !!!!!
ثانيا تجيك البنت تقول ااووووف طولتي يا ابلى خلاص قلنا يمكن الكلام ممل نجيب لهم شي مُثير وكمان البنت ماتبي منك لا مفيد ولا غيره تبيك تورينها عرض اكتافك وراها سوالف عن المسلسل التركي وعن صديقها بالشات اوكي
هذي نبذه بسيطه عن شي بسيييييييط نجي لاسالتهم الي تفتح نفسك لدرس وحده قالت لمعلمه زميلتي لو سمحتي يا ابلى تقول فرحت قلت اكيد بتسالني عن الدرس قامت قالت ابلى وين قضيتي شهر العسل طبعا بنص الدرس واقفه الاخت تسال عن شهر العسل والثانيه سألتني شخصياً وبنص الدرس ابلى كم راتبك؟ والي تقول لمعلمتها انتي يا ابلى نذله والي ترسلها معلمتها تبي منها خدمه لو بسيطه وتقول لا ! والي يجي موعد الاختبار وحضرتها ماتجي ولما تسأليها عن غيابها تقول دلع ولازم تختبريها وتسوي نموذج ثاني لاجلها
طبعا مو بكل المدارس لكن بشي منها الي ابي اوصله لا تظلمون المعلم ولا تظلمون مزاجه تروه اب وراعي اسره ينشغل بقضايا اكبر منه وهو بالنهايه بشر ولا تظلمو المعلمه تروها ام تسهر الى الصبح على ورع مريض وبيت وزوج ومسؤليات ماتخلص وتروح المدرسه تحصل بنات قمة الوقاحه وقلة الادب ارسلوهم اهاليهم بس لجل يشغلوهم بشي ونادر الي جاي يبي يتعلم
اسفه للأطاااااااااااااااااااااااااااااااااااااله
لا اله الا انت سبحانك استغفرك واتوب اليك
اصلي شيوخ @asly_shyokh
عضوة نشيطة
كل من دخل قال المعلم فيه والمعلمه فيها وماعمركم سائلتم عن اخطاء الطالب ؟؟ تفضلو ونشوف
3
1K
يلزم عليك تسجيل الدخول أولًا لكتابة تعليق.
والله والله اني طلبت منهم مطويه وحده كل طالبه تسوي مطويه ووالله انها جت تفشل الي قاطعتلي نصف ورقة دفتر وكاتبه فيه برصاص بخط مالها نفس تكتب والي كابه عليها بلاوي قبل تجيبها والي تقول ما احنا صغار لجل نلون بنت بثالث متوسط شايفه عمرها صارت كبيره على ترتيب دفترها وعلى انها تقول حاضر واخر شي يقولو لازم من الحوار قلنا اوكي شوفو للحوار شي يجيب لك المرض لو كنتي جبل انهرتي من قلة الحيا والله العظيم اني باول يوم دخلت فيه فصل جديد بمدرسه جديده تعرفت عليهم وبكل هدوء ولما جيت بطلع تناديني طالبه من اخر الفصل حسبتها بتسألني عن شي مفيد قلت نعم قالت وااااو يا ابلى جسمك روووووعه يههههبل يابنات راح الحيا يوم كنا لا مرت المعلمه ننزل روسنا لها صارو يسألون وش عطرك ووش مسلسلك المفضل ؟؟ لاحول ولاقوة الا بالله انا ما اقول الا الله يسامح التربيه والتعليم وربي انها هدت صرح التعليم من بعد ماشالت سلطة المعلم منه احنا ماقلنا نعذب بس لو نأدب على الاقل ليت امهاتهم يجون يسألونا وليت الوحده تشوف لبنتها لكن نستدعي الأم تجي تقول وش تبون اسوي فيها يعني اذا نجحت كيفها واذا رسبت كيفها طيب جبتيها عله على قلبي لييييه:angry2: على فكره تو عمري بالعشرينات لكن الوضع جد مخزي
الصفحة الأخيرة
نفسية ومراهقة ومدري اية كله كلام فاضي اذا البنت اصلا في عمر 15 سنه ما تعرف تفرق بين الادب والقلة الادب ومصيبة اكبر اذا امها تهايط ورها وهي ما تدري عن بلاوي بنتها
وبالاخير كل بنت تمثل تربية اهلها ... ولا اظلم الكل والله في بنات ينحطون على الجرح يبرى قمة في الادب والاخلاق
معلمة سابقة