هذه موضوع للأخت أثير المحبة
اعجبني قلت ياالله اجيبة لانه مره حصل معي ذه الموقف
الموقف :
اتصلت على ام زوجي وكان عندها عصريه تبيني احظر
قلت طيب بس زوجي في جده
قالت برسل لك ( ... )هذه اخو زوجي
طبعا تجهزة وجهزت اولادي كانوا صغار واحد 5 سنوات والاخر يمكن 6شهور او اقل
المهم كلمتني خالتي وقالت ان ولدها جاني وأخذ عيالي وقشتي عاد تعرفون الوحده منا لما يكون عندها واحد صغير ياكثر قشها
المهم نزلنا عند باب الشارع وجلسنا ننتظر 5 دقائق بعدين قلت في نفسي اكيد وصل الحين
فتحت الباب وقلت لولدي طالع ترى عمك وصل طالع وقال لي ايه وازتح قشتي وعيالي واخرج مستغربه مااشوف عمه العاده لجاء احد منهم ياخذني يجي ياخذ اغراضي وعيالي بس ماجاء احد استغربت قلت لولدي وين عمك قال عانيه اطالع والا سياره كامري مو فورت لا والون بحري والفورت تفاحي استغربت بس قلت يمكن علشانه يبي يتزوج ذي الصيفية شرى سيارة جديدة المهم احاول افتح الباب عيا الباب ينفتح احاول اطالع في الرجال اقول في نفسي غريبه وش فيه مايفتح لي الباب مثل كل مره ينزل ويفتح لي الباب ويصكة
المهم اطالع في الرجال شكله غير مربي دقن قلت هذه كنه مهو هو بس يمكن من الغطوه مشوف واحاول افتح الباب وجرجر فيه بالقوه ابيه ينفتح ههههههه عاد الرجال يطالعني وانا اجر في الباب وكأني اقوله ليش ماتفتح الباب واسحب في الباب وكل ماسحبته طالعني الرجال ههههههههه وانا مستغربه ليش مايفتحلي شويه الا والرجال يكلم واحد جنبه الا وحرمته تطالعني مع النافذه يوم شفتها عرفت اني غلطانه ورجع بسرعه لبيتي اسحب في قشتي وحطها عند باب العماره واخذ الشنطه واطلع المفتاح ومن الخوف مالقيته بغيت اجلس عند الباب بس استحيت من الناس الرايحه والجايه واحاول مره ثانيه بس اشوى لقيته وادخل ودخل قشتي واكلم زوجي وانا ارتجف واعلمه بالموقف ويجلس يضحك علي ويدق على اخوه لقيه بعيد والشارع زحمة علشان كذه تاخر واستنيه يمكن نصف ساعة حتى العصريه حسيت اني ماتهنيت فيها من الرعب اللي حسيته
هههههههههههه خخخخخخخخخخه
يالله يابنات حواء كل وحده حصل لها موق مثلي تسدحة هنه
نبي تفاعل مع هذه المواقف...
تعيشي وماتاكلي غيره عادي تصير وحده من جماعتنا كانت طالعه من عرس وكانت معصبه على بناتها المهم تقول وانااطالع في السيارات الا اشوف جمس مثل جمسنا واروح له الا فيه حريم تقول قلت اكيد البنات سبقني تقول وفتحت الباب الي ورى السواق والا الحرمه ماتوخري لي تقول ونفخت عليها وقلت وخري وخري شوي تقول يوم ركبت زين الا شماغ الرجال الا دقنه تقول فنتبهت اني غلطانه وبسرعه انزل الا بناتي مقابلاتني واهزئهن تقول والله اني انتفض من شدة الخوف
هههههههههه الله لايذوقني ماذقتوا
موفقه