ياللا وين باقي البنات


عطونا تجاربكم

هلا قلومه ,, ماشاء الله الموضوع ثري بالنقاشات :)

انا بالنسبه في البدايه كنا نسافر( طبعا سفرات داخليه ) ونخلي بنتي عند امي او خالتي ( ام زوجي ) لانها كانت صغيره وما تعرف شئ ( لا تقولون حرام عليك خليها تنبسط ,, كان عمرها اقل من السنه ) وبعد ما كبرت صرنا ناخذها معنا وبصراحه فرق بين لما يكون معك اطفال او انتي لوحدك لأن سفراتنا يتخللها زيارات لبعض الأقارب هناك في الشرقيه وتعرفون عاد هات ياترويش وتلبيس وهلم جراً :09:

وحاليا عندي بنتين والصغيره عمرها سنه وما جربت السفر معهم الى الآن ( لأني ماسافرت من سنتين )

بس يابنات ماعطيتونا المفيد نبيكم تعلمونا بالسلبيات اللي مرت عليكم و لازم نتفاداعها مع اطفالنا والأشياء اللي نفعتكموريحتكم معهم

يعني انا مثلاً كنت آخذ لبنتي مطارة مويه اللي يجي المزاز حقها يسحب لفوق ( زي علب الأعبين ) بحيث انها لو طاحت او شئ ما تنكب وتشرب منها براحتها وهي دايماً معي في السياره او اما كن الترفيه وبعد المناديل المبلله ( زي جونسون ) دايماً بشنطتي علشان لو اكلت وتوسخت يدينها امسحها لأن احيانا ما يكون حولنا دورات مياه

اهلين كوكو
اتحفتينا بتجاربك

وصادقه لازم المناديل انا اخذ مناديل معطره صغيره وريحتها حلوه

وش اقولك ياقلومة عن سفراتنا
اولا وحنا بالسيارة تعالي شوفي صجتهم وازعاجهم
وبعدين تبدأ مرحلة الهواش
المرحلة الثالثة يتضاربون
عاد ابو العيال ياخذ العقال وهو يسوق ويضرب على الكرسي اللي بجنبه ايقاله يبي يخوفهم ويسكتهم وانا اح اح او او الرجال حضرته يضرب كتوفي
مايشوف يسوق ويضرب على جنب
همن تصير الهوشة بيننا يالكبار
وعيالنا يتفرجون علينا ويضحكون

ولا اذا رحنا عند البحر بالدمام الكل يسبح
وانا جالسة على اعصابي امسك ولدي الصغير اخاف يروح للبحر ويغرق

ولا اذا رحنا لابها وجلسنا عند الجبال
انا على اعصابي اخاف عيالي
يطيحون من الجبل

وبالطريق تعالي شوفي طلباتهم الله يصلحهم
ابي عصير ابي فشار ابي اروح لدورة المياه
يعني كل شوي موقفين عند محطة
وبصراحة مااحب كذا ودي اذا سافرت اني اوصل بسرعة
وزوجي يختلف عن وسيييييع صدره

هذا غير اني اتابعهم بالنظافة والترتيب

عشان كذا ما أحب السفر

أحس صعب الواحده تظرب مشوار وبعيد بعد وعيالها بعيدين عنها ...بيصير قلبها مشغول غيير كذا صدوقوني الرجال والحرمه إذا تقابلو بدون اطفال راح يتناقرون ويصير كلن يدقق با الثاني ...لاكن إذا فيه اطفال بيلهون بطلباتهم ...وحلو ان الوحده إذا راحت توفر لها شغاله ومو اي شغاله لا ثقه وتعتبر هذا الشي اهم مافي السفر عشان على الأقل تساعدها شوي..لاكن تتركهم والله صعب وقطع قلب..