وانا معك والتعامل برسميه أفضل تجنبا للمشاكل وكل وحده ادرى بأهل زوجها وكيف تتعامل معهم

ابدا مااؤيد السكن مع اهل الزوج مهما كانت طيبتهم لابد يتدخلون في مشاكل الزوجين دامهم ساكنين معهم .. و مااؤيد السكن بنفس العماره بعد .. البعد احسن عشان محد يعرف عنكم شي

انصحك لوجه الله ابعدي عنهم لو كانو عسل.
اسكني شقه بعيده بحاره ثانيه.
بكره تطلع لك مشاكل ماتعرفي ايش اساسها لو سكنتي جنبهم.

انا كنت ساكنه بعيد عنهم في مدينه ثانية وبعيده جدا جدا عن مدينتهم ؛ بس كل اجازه واحنا مطيحين عندهم ؛ اقسم بالله شفت شي ماينصبر عليه ؛ ناس وقحين مشكلجيين ؛ امه لسانها متبري منها ، تتضايق من وجودي عندهم وتغاااار على ولدها بشكل فظييييع وولدها سلبي سلبي سلبي جاب لي الجلطة ؛ والله يا عشت ايام صعبه لان مجتمعي مو زي كذا بالعكس امي مره طيبه واهلي زي العسل لدرجة امي كبيره بالسن مارضيت تروح مع احد من اولادها .. قعدت ببيتها مع شغالتها ومارضيت حتى ان احد يسكن عندها .. تقول ابغى هدوءوراحه. انا كبيره ما استحمل الازعاج .. وأهل طليقي عكسها تماما ؛ انا الحين تطلقت لسبب ثاني وهم بعد لهم يد في طلاقي ؛ و٢ من سلايفي تطلقوا قبلي .. يعني عيله متوحشه اللهم عافنا مما ابتليتهم به ، والحمد لله اللي فكني منهم ؛ شريت راحتي ودماغي

انا لي بيت عند اهل زوجي سبحان الله ماحبيته كل مااجيه احس بشي كاتم على صدري وولدي يبكي بمجرد دخوله مدري ليش ؟!