كل من لايعرف المعالجه الشعبيه خبييزه !

السلام عليكم ورحمة الله
حبيت افيد لا اكثر ولا اقل
ويشهد لي الله ماعرف هالانسانه الا انها عالجت بنتي وغير كذا مالي علاقه فيها
المهم خبيزه كنت اسمع فيها من زمان ماتجرأت اروح لها، لكن ام زوجي اصررت انها نروح وتعالج الانحراف الي في عين بنتي
المهم استخرت ورحنا لها من الشرقيه لين بيشه وكان مكانها داخل قريه عجيب ماقدرنا نستأجر فيها اضطرينا نرجع لبيشه وناخذ سكن هناك
اليوم الثاني رحنا واخذنا رقم يوم الجمعه ورحنا لها اليوم الي بعده لمن دخلت المكان الي تعالج فيه
انصدمت منه لانه كان حوش كبير والحريم كلن بايعااله ينتظر يدخل الغرف الي تعالج فيها
صراحه مكانها جد ماينفع تعالج فيه ولا فيه حتى التكيف
المهم في وحده تدخل الحريم بالارقام
وجلست انتظر من الساعه 10 الصباح لحد 4 العصر ماوصل رقمي لين طلعت روحي
االمهم دخلت عندها وكانت وحده معاي تحاول تهديني لاني خفت يوم اشوف الصغار يطلعون يبكون او يكونون مايبون يدخلون !
المهم دخلت وجا دوري وسالتني بس سؤالين قالت من متى معاها،وسوت عمليه او لا
المهم شيكت عن طريق التحنيك ومادري وش سوت مالقيت الا بنتي يطلع من فمها وخشمها دم احمر وعلق اسود خفت عليها ووقت ماكنت ماسكتها قالت لي بنتك عندها انسداد في شبكة العين راجعي فيها وشيلي النظاره منها
المهم رحت لها كذا مره عشان تعالجها وبصراحه
ماندمت اني ودياها عيون بنتي كانت تلعب وماتستقر في التركيز
لكن الحين يارب لك الحمد تعدلت عيونها والكل لاحظ هالشي الي احب اوصله لكم انه خبيره للامانه انسانه طيبه وسمحه وطويل بالها وغير كذا تاخذ منك بس100 ريال قيمة الكشفيه بس في المستشفيات
والناس تستكثره فيها ، تتخيلون انها من الساعه 9 الصباح لين 9 الليل في غرفة صغيره وبدون مكيف عشان الاطفال مايتعبون وقت التحنيك
وحتى وقت الاكل يكون نص ساعه الي هو الساعه 1 الظهر واذا قعدت نص ساعه قامت الناس تدعي عليها!!
يعني الي بتعلق وهي ماتعرفها تراها مسؤله امام الله عن كل كلمه قلتيها
هذا كان ردي على وحده نزلت موضوع انها راحت لخبيره وعالجت ولدها بس ضيعت الموضوع وحبيت يكون افاده للكل
الي يسأل تعالج النساء ايه تعالج تأخر الحمل
وتعالج ضعف السمع والضغط
والصغار تعالج الضمور والتوحد والاعاقه وور
بس نصيحه لله الي عندها ضغط لاتغامر وتروح لها بنت عمي كان عندها ضغط وسوت لها كوي وقعدت 3 شهور تعالجه اما بالنسبه للضغط فهو خف عنها كثير بس الجرح الي اتعبها
وسلامتكم