:44:السلام عليكم
ماادري من وين ابدأ
ابدا ماتخيلت اني اكون بهالموقف
يعني دايم احب احل المشاكل نهائي من سجلت في عالم حواء وانا ماحطيت في بالي اني اكتب عن هالكلام اللي بكتب عنه اللحين
مو قصور فيكم يابنات لالالا
بس ماتخيلت ع الاقل الوقت هذا امر في هذي المشكله
وماكنت حاطه براسي هالشي
لانه هو دايم يقول مستحيل حتى لو فيه احد يقولك لاتصدقينه لو من يكون
بناااااات وربي مخنووووقه ومحرووووق قلبي
بقولكم السالفه
انا زعلانه انا وزوجي علشان هو مايحب نطع للمطاعم ودايم اقوله امانه ابي اروح للمطعم
اذا فاز الفريق اللي يشجعه ارسله رساله واقوله ياليت بمناسبة هالفوز نطلع نتعشى في اي مطعم
وهو يطنش ويسحب علي
المهم كانت زعلتنا ع المطعم وهو يقول انتي مخفه الحريم يحطن براسك شي وتجين وتزعلين عليه
وانا والله محد تكلم لي انا من نفسي احب اطلع تخيلو مااعرف شكل المطاعم الا يوم كنت عند اهلي
المهم يوم قال لي هالكلمه وازعل
وراح وتركني
مر يوم ولا كمني ولاكلمته
يومين
ثلاثه
والحال مثل بعضه
المهم يجي يقول مشتاق ( عارفين يعني وشو ) وانا اقوله لا
يعني بالله تبوني اروح معه وانا زعلانه ياسلام وبعد مايخلص نرجع نزعل على بعض :icon33: مااحب كذا ابد ومااقدر اسوي كذا مااعرف وانا زعلانه مااعرف
المهم اليوم تأخرت بالكليه الين الساعه 2 اتصلت عليه قال انا طالع بعيد عن المنطقه (شغله )
قلت خلاص اتصل ع السواق
والله يابنات السواق ماجاني الا 2,30 وانا واقفه بالشمس المهم كلمني وانا راكبه السياره قال اجيك قلت لا خاص جيت مع السواق
يوم وصلت البيت الا لقيت الاخ جالس مع اهله ويضحك يعني باين اللي كان موجود من قبل
المهم سمت ورحت لبيتي
شوي ويجي وراي ويقول وش فيكي قلت السلام كذا
قلت اجل كيف تبيني اقوه احب راس كل واحد فيكم قال انا ماقلت كذا
سبحان الله انتي نكديه وتحبين المشاكل عفستي وجهك اول ماشفتيني > وانا والله ماعفسته بس هو يبالغ
وطلع من الغرفه وهو يدعي علي الله يعفس وجهك >> وله بالمثل
ورجع مره ثانيه قا شوفي والله ان ماتسنعتي والله من اليوم لاااجمع فلوس واطقك بمره ثانيه
انا هنا مت من القهر :(
اللحين انا صرت الغلطانه :44:
وربي يوم قالها ضاقت الدنيا فيني ماادري وش اسوي صارت دموعي تنزل غصب عني لحد مارحت للحمام ومسحت دموعي ماابيه يشوفني وانا ابكي علشان مايعرف نقطة ضعفي ويجلس يعقدني فيها
وراح وتركني قفلت الباب الا يطق بقوه بغى يكسر الباب ويطق ويقول بابقره افتحي :44: اااااااااه ياقلبي لاتسألوني انواع التحطيم
ارسلت له رساله وقلت شوي وافتح
وراح وفتحت الباب
ومادخل ولا شي راح وطلع برى من طلع واروح اقفل باب الغرفه وابكي بحرقه
والله عيالي ماشفتهم من القهر تركتهم مع الشغاله
ونمت وانا ابكي وصحيت ع الساعه 6 المغرب الا لقيته جالس ع النت ويدخن شافني ماتكلم ولاكلمه ولاتكلمت انا بعد
شوي وطلع ولا عبرني لابكلمه ولا بنظره ولا حتى كلف على خاطره ويقول زعلتها بروح اراضيها
وهو كان يقولي انا مستحيل اتزوج عليك انا مستحيل >> وانا من غبائي اصدقه :icon33:
بنات لاتقولون كلام اللي يقوله ماهو صحيح انا اعرف زوجي اذا كان جد والا يمزح وزوجي قد قالي هالكلمه من قبل سنه بس
اعرفه لكان يمزح او جد يقولها وهالمره جد الجد
لاتقولون انتي الغلطانه وروحي وتأسفي له مستحيل يمكن قبل لايتكلم اليوم يمكن اروح واعتذر واحب على راسه بعد لكن بعد الكلمه اللي قاله لي اليوم مستحيل لانه بكذا راح يمسكها علي وكل مابغى يذلني يقول بتزوج
وبعدين خير وانا وش مسويه له علشان يسوي فيني كل هذا
ليه وحنا مالنا رب ليه حنا ماعندنا مشاعر واحساس
بعد نشتاق نسمع الكلمه الحلوه والا لا مع الرجال الخليجين ننهان ويتسفل فينا الارض بس علشان حضرتهم يستانسون
والزوجه الي تفني حياتها ومالها وشبابها في خدمة زوجها ولكن قصرت في يوم من الايام تعتبر زوجه عاصيه زوجه محد يتحملها واولهم زوجها
بينما هي المسكينه لا مهما كان في الزوج من عيوب واخطاء لابد وملزومه تتحمله ولو سوت غير هذا فهي لاتستحق العيش وهي خائنه بنظر المجتمع
ليه هالظلم للمرأه ليه مهما يقولو تطورنا تبقى نظرتهم للمرأه ماتتغير ابد
ليه
بنات انا ماادري وش اقول
والله العظيم اسمع صوت بنتي الصغيره ووردي اروح ها بس فيه شي يمنعني :(
بنات معليش كلامي ملخبط ومو منظم بس والله من الحرقه اللي بقلبي :44:
ماابي وحده تقول روحي تزيني له وتعطري والبسي وروحي له واعتذري > لاني مستحيل اسويها وبعدين يمسكها ذله علي زوجي وانا اعرفه
يارب يافارج الهم فرج همي وهم المهمومين ياااااااارب
يلزم عليك تسجيل الدخول أولًا لكتابة تعليق.
الله يفرج همك
تعوذي من الشيطان وروحي اعتذري لا بكره يجيب لك ضره وتقولي ياليت ماسويت كذا
تعوذي من الشيطان وروحي اعتذري لا بكره يجيب لك ضره وتقولي ياليت ماسويت كذا
غلطي يوم طلبك و صديتيه لان اصلا ما يجوز و من النقطه هذه تتكوم المشاكل
الحين قبل لا ينام لا تروحي تعتذرين قوليله ابي اتكلم معاك ابي نحل المشكله ابي اتفاهم معاكم
و طلعي الي بخاطرك ولا تجيبين طاري الاعتذار عرفي وجهت نظره و علميه و جهة نظرك بالموضوع
بس بشرط كل شي بالهدوس ينحل الحين من هني لغايه ما تشوفين ويه كرري قول لا حول ولا قوة الا بالله
و شوفي شلون بتتيسر
تر الحياه بتنعاش مره وحده فليش نضيعها بالنكد
الله يصلح حالكم يارب
الحين قبل لا ينام لا تروحي تعتذرين قوليله ابي اتكلم معاك ابي نحل المشكله ابي اتفاهم معاكم
و طلعي الي بخاطرك ولا تجيبين طاري الاعتذار عرفي وجهت نظره و علميه و جهة نظرك بالموضوع
بس بشرط كل شي بالهدوس ينحل الحين من هني لغايه ما تشوفين ويه كرري قول لا حول ولا قوة الا بالله
و شوفي شلون بتتيسر
تر الحياه بتنعاش مره وحده فليش نضيعها بالنكد
الله يصلح حالكم يارب
الصفحة الأخيرة
اساسا مايجوز لك
الله يهدي الجميع