كل من يعاني من المس والاذى يتفضل

ماشاء الله ع جهودك الله يعطيك العافيه
ويشفيك ويشفي اختك ويشفيني ويشفي الجميع
راح اكتب استفساراتي مرا واحده
موضوعك جدا جميل عشان كل يستفيد ان شاء الله
ونساعد بعض ونتشافى باذن الله

اااااامين يارب
تسلمي حبيبتي على مرورك العطر تفضلي انا في الخدمة

رفع

تسلميلي حبيبتي الله يرفع قدرك بين الناس

جزاك الله خير
مع اني عرفت العلاج ومايهمني كثير اعرف الاسباب لكن بكتب لك اعراضي القديمه اللي كل راقي يسمع بها يقول هذا مرض روحي الا راقي واحد قال هذا شي نفسي
والاطباء النفسيين يقولون هذا مرض نفسي وعلاجه بالادويه
والمعالجين الشعبيين يقولون هذا هوا في الراس او فتحه في الراس
يعني بدال ما احتار في امري احترت في امر الاطباء والرقاه والمعالجين ماعرف من الصادق من الكاذب
اعراضي ابتدت في احد الايام وبعد ولادتي لابني بشهرين
كنت بالبدايه احس بضيقه استمرت3ايام وقبلها جلست اسبوعين حركه في بطني واصوات يعني اسمع حركه الامعاء واحس فيها
في اليوم اللي تعبت فيه كنت نايمه صحيت على حلم مفزع وصحيت تعبانه يعني جسمي تعبان جدا كملت اليوم عادي لكن بعد العشاء تقريبا ابتدت الاعراض ماعرف كيف ابتدت لكن كان زوجي يكلمني او يسالني ومارد عليه ماعرف ليش قام التفت لي وكرر السؤال وعصب ليش ما ارد انا بكيت بكاء هستيري ماعرف ليش احس فيني شي بس ماني قادره اعبر صرت ابكي قلت يمكن الموت جلست اوصي زوجي على اولادي خلاني اصلي ركعتين وادعي ارتحت نوعا ما ونمت ماعرف كيف نمت هذيك الليله المهم صحيت وانا متغيره 180درجه
فقدت احساسي بنفسي
فقدت احساسي بزوجي واطفالي
فقدت احساسي بالحياه
احس كاني في حلم كاني امشي ورجليني ماتلامس الارض
خوف هلع وساوس اذا شفت صورتي في المرايه اخاف احس بقرب الجنون
احساسي بنفسي انعدم لدرجى ماصرت احس اني كائن بشري
كل الاحاسيس الجميله ماتت داخلي بعدها بداء الاكتئاب اخذت العلاج النفسي هديت لاني كنت انهار وابكي بشكل يومي اتذكر ايامي قبل المرض واتعب واتمنى ترجع استمريت على العلاج سنه ونص وتركته وانا احس فيه شي غريب فيه شي مو طبيعي انا مو انا واحساسي مو نفس احساسي قبل المرض لاحظت التعب يزيد قريب الدورة الشهريه ويخف بعد نزولها بيوم يومين كل فحوصاتي سليمه وكررتها اكثر من مره
جلست سنوات على هذا الحال الى قبل سنه او اكثر شوي فحصت المعده طلع فيها مشاكل حللت فيتامين د طلع ناقص اخذت العلاجات مع التزامي ببرنامج بسيط جدا حطيته لنفسي تحسنت بشكل كبير وكاني انولدت من جديد لكن لااسف ما استمر اترك كل شي والتعب يغيب فتره طويله وفجاءه يرجع لكن الحمدلله اخف واقدر اسيطر عليه
بعد ما اطلعتي على حالتي من منهم تشوفيه على صواب الرقاه ام الاطباء ام المعالجين
وشكرا