كل نفاسيه تدخل تتنفس معنا..حوار وفضفضة النفاس

أنا لسى ماولدت باقي علي اسبوع واخلص التاسع دعواتكم واجي أشارككم

حلوة فكرة الموضوع

انا اكتب من جهازي الجالكسي فالله يعينكم على الاخطاء الاملائية العشوائيه




انا من ولدت وانا سرتي تحكني حكه موطبيعية حطيت فازلين ومانفع !

ولدي ماشرب من صدري الا يومين والباقي كله شفط وللاسف بداء :( يقل
حاولت فيه يرضع مني بس يهبل فيني بالصياح ماستحملت فصرت اشفط له

ويمكن القسم مافيه نفوسات!

موضوعك حلو الله يشفيني و يشفيك يارب يا كريم

أنا نفاس لي ست أيام الحمد لله ولدة طبيعي ولادتي الرابعه و سوت لي الطبيبه توسيع من جهتين و خيطتني

خياطه داخليه وخارجيه لأني مسويه تجميل في ولادتي الثالثه طبعاً الحمد لله وجع الخياطه خف كثير عن أول

ثلاث أيام و أحسها نزلت وصارت واضحه يعني إن شاء الله قريب و تنقص أستخدم عليها دش مهبلي

بيتادين و عصار ميبو و عصار اللي عليه رسمة أسد و أستخدم المويه الدافيه للتنظيف و الترويش و أجلس فيها

تريح من وجع الغرز كثير

بالنسبه للعلاجات من المستشفى مضادين ثلاث مرات باليوم و مسكن 500 جرام و حديد و تحاميل فلتارين 100

جرام كل هالأدويه لمدة ثمان أيام ما عدا الحديد لمدة شهر

بكرا عندي مراجعه لي ولولدي بشيك على الخياطه و على وضع ولدي

و كمان بكرا سابع ولدي الله يحفظه بنعق له و نسميه و إذا وضعه تمام بطهره بإذن الله

و بالنسبه لعلاجي بالأعشاب هو عباره عن سفوف حلبه مطحونه و حبه سوداء بس

و شاي أعشاب مكوناته هي قشر قهوه كمون شمر يانسون نونخه زعتر بري ينحط عليها مويه حاره و تشرب

و تمره معجونه مع حلبه نسخنها على النار قبل أكلها مع ملعقة سمن بري هذي أكلها مره وحده الصبح مع

فطوري و معها كوب حليب دافي مخلوط معه قرفه وفلفل أسود و فلفل أبيض

و بالنسبه لأكلي أفطر بيضتين مسلوقه مع تمره و كأس حليب و مصابيب بر

و الظهر أتغدى مطازيز على لحم و فقع و خضار

و العشاء شوربا مع لحم أو صدر دجاج و سلطه

طبعاً بهالفتره مقاطعه لكل المطاعم و أكلهم و المشروبات الغازيه و اللبن و الرز و الخبر الأبيض

و بالنسبه لوضعي بالبيت حالياً أنا عند أهلي و عيالي الثلاثه عند

أهل أبوهم يزوروني عند أهلي بس النوم عند أهلهم

ولدي الصغير معي طول النهار بس بالليل عندي أختي ما تزوجة تسهر لين الساعه تسع أو عشر الصبح وتأخذه

مني ولا جت تنام تكون أمي لسى صاحيه وتكمل عنها لين أصحى

و النسبه لعنايتي لحد الأن ما سويت شيء لا للبشره ولا للشعر حتى أسناني رحت بزينها قالو بعد

شهر لأنك لسى نفاس ممنوع تنلمس بعد الولاده

حالياً بس أربط بطني بمشد أندنوسي و أدهنه بكريم بلمرز

و الحين مخليه خدامات أهلي يجهزون لي أكل لأني برجع لبيتي بعد كم يوم

هذي يا عسل فضفضة نفاسي عند أهلي لا رحت بيتي بشوف إذا وضعي يحتاج فضفضه ثانيه

نرجع لكم مره ثانيه

مرررررا روووعه الموضوووع الله يسعدك اوختي انا لسى ماولدت في التاسع وياخوفي اخدو كلووو دعواتكم بلله ووعد ارجعلكم ونفضفض وربي شي حلووووو
مشكووور الف شكر فواااحة الريف ع الطرح المميز دعواتكم تكفووووووون ربي يسهلها ليا