كل هذا تكاليف؟؟؟؟؟؟

الملتقى العام

بسم الله الرحمن الرحيم

بعد لفلفتي في قسم الحمل و قسم ساعدوني وتحديدا مواضيع فن التقديم حق الضيافه
طارت شوشتي من امر مررره مو مستوعبته ابدا
الي هو -----
الحين الحامل تتعب من الحمل والوحام وطول فترة الحمل دوبها ودوب نفسها وتزيد المسؤليه عليها والتعب اذا عندها عيال وخصوصا الصغار
طيب ليه تشيل فوق همها هم استقبل الضيوف والتقديم لهم
يحول من اول الحمل وهي تلفلف وتدور وش احط ووش اجهز لدرجة وصلة لمبالغ فلكيه بعض التقديمات
طيب مو المفروض انو الوالد تجلس وترتاح والي بيجيها يجيب لها القهوه والأكل وريحها من الطبخ والنفخ يعني يساعدها
الي أعرفها (عندنا طبعا) ان الوالد ماتجيب شي ولا تحط شي حتى لو هي ببيت أهلها الا طوفرية الفناجيل
وهذا كوم وتغير ديكور الغرفه حقة الاستقبال كوم ثاني
ودي اعرف كيف ترتاح وهي حامل ووراها كل هالمصاريف والحوسه وليش طلعت بمجتمعنا وهي مو من عاداتنا
اتمنى انو نخفف من المبالغات ونرجع زي اول الوالد تجلس مدللله لا تحط ولا تكلف
والمسئله نتحمد لها على سلامه ونبارك لها المولود مب تكلف على عمرها وتتعب نفسها
والله يتمم على كل حامل حمله ويسهل عليها الولاده ويبارك لكل والد ويرزق كل منتظره لضنا
33
2K

يلزم عليك تسجيل الدخول أولًا لكتابة تعليق.

تسجيل دخول

سعوديهـ ذوق
سعوديهـ ذوق
كل مجتمع وله عاداته وتقااليده ..

اللي مجتمعها كيذا صعب تصير اقل من غيرها ..
غالتيدا
غالتيدا
أنا استغرب
حتى فيه وحده تقول ( وأول ماجاني الطلق بسرعه روحت للكوافير وزبطت حواجبي)!!!تعرفون بعد الولاده استقبال الناس !!!!!

أتخيل الموقف ؟؟


جود الصغيرة
جود الصغيرة
كل مجتمع وله عاداته وتقااليده .. اللي مجتمعها كيذا صعب تصير اقل من غيرها ..
كل مجتمع وله عاداته وتقااليده .. اللي مجتمعها كيذا صعب تصير اقل من غيرها ..
موضوع في الصميم
اشياء استحدثناها ما انزل الله بها من سلطان
والله حرام اللي يصير
مبالغات وتزيين ماله داعي وهدايا للضيوف
خبري الهدايا تجي للمولود وامه انعكس الوضع الان
لين متى نسعى ورى المظاهر ..
لا احد يجي ويقول هذا المجتمع ولو ماسوينا كذا الناس يتكلمون فينا ويقولون عندهم ومستبخلين ماسو زينات وتقديمات وهدايا
لان كلام الناس لايودي ولايجيب
وهذي ظاهرة سلبية تفشت لازم نوقفها ونحد منها
الناس كذا والا كذا بيتكلمون لو بتحطين لهم كاسات شاي ذهب ماراح تسلمين لازم يدورون شئ يتكلمون فيه

عني ما احب هذي الخزعبلات
اي نعم اشتري حلا قهوة وتمر للقهوة
والشاي معجنات وبس المهم انها تنأكل وياكلونها ضيوفي بالعافية مو خسارة ابد
اما زينات وفلين ودببة وورود وبالونات خيييير اسوي معرض في البيت!
احاسيس مخمليهـ
كل واحد وظروفه
اللي حاله ميسور يسوي اللي يبي
واللي مايقدر لايتكلف
بسبوسة الشرقيه
كل شخص يعمل اللي يريحه ويحبه
ويعبر عن فرحته بالمولود بالطريقة اللي يحبها


في حدود طاقتها و ظروفها ما تكلف على نفسها و تتسلف و تتدين
عشان تعملها