دنيا ملونه @dnya_mlonh

محررة فضية

كل همهم الماركه , اهم شي الماركه , تقييمهم للناس على اساس الماركه , عالم تافه

السلام
يااابنات في ظاهره ملاحظتها متفشيه في مجتمعنا الخليجي على وجه التحديد , كل ما تقدم العالم احنا نتراجع وهي ظاهره الماركه الاصليه والتقليد
يعني في ناس همهم الماركه والشنطه او الساعه اذا كانت اصليه او تقليد وكل حياتهم الماركات
ايام ماكنت موظفه كان ويانا بنات يخلون راتب شهر كامل في حقيبه , وطول الشهر يعيشون على السلف والدين والطراره من اهلهم ,, يعني هالشاكله يقيمون الناس بالمظاهر وان كانوا يلبسون ماركه او لا ,, انا انيقه ولله الحمد وملابسي واغراضي كلها حلوه لكني في نظرهم بخيله وزطيه لاني ما اظاهيهم في الماركات لازم شانيل وال في وغوتشي وديور وبربري ...
كان معانا شاب في العمل ما يطيقونه ولا يحبونه ويتمسخرون عليه لانه طيب وعلى نياته ومره جاء وهو لابس فانيله لاكوست على قولتهم ماركه تخبلو عليه وصارو من يومها يحترمونه , عالم فاضيه ,,
وحده ثانيه الله يسامحها ويغفر لها ,, بنت فقر مسكينه , تعرفون عايلتها على قد الحال وهي تبي تماشي المجتمع والبنات الي تعرفهم متعرفه لها على واحد وهو الغبي قاعد ويشتري لها في هالشنط البربري والديور , ما عرف شنو المقابل ومابي احط في ذمتي , اخر شي يوم انخطبت طلب منها كل الشنط وعددهم فوق السبع تقول اكتشفت ان كل حقائبي منه وماعطته منهم ولا شئ , شين وقوي عين الله لا يبلينا الا بالبلاء الحسن , لا تتطنزون عليها ولا تتشمتون لان من عاب استعاب ...
وحده ثانيه صديقه بنت خالتي ماطلعت من البيضه ليلحين عمرها 18 سنه تقول انها اشترطت على امها هديه نجاحها شنطه اغنور الاصليه ورايحه جايه بالشنطه وتقول انا بنت عز وخير ما البس الا الاصلي
انا مو ضد الاصلي بالعكس ربي عطانا الفلوس عشان نتنعم فيها مو نخشها ونحطها على قلبنا بس مو توصل المواصيل ان الوحده تتسلف او تحط راتبها او راتب زوجها كامل في حقيبه عشان المظاهر الخداعه
وما توصل ان الانسان يحكم على الاخرين بشكلهم ان كانو يلبسون اصلي او مو اصلي , شنو هالتخلف , الشعوب تتطور بالعلم والمعرفه واحنا نراقب الناس وملابسهم واحذيتهم وشنطهم ومستواهم وهل هم من اصحاب الماركات او لا ؟؟؟
واذا عرفو ان وحده غنيه بس ما تلبس ماركات يا ويلها المسكينه يقطعونها تقطيع بالكلام ,, انها بخيله وما تصرف وحريصه وهي يا غافلين لكم الله ...
موضوعي فضفضه مجرد فضفضه ولا اقصد فيه اي احد او اي جنسيه او شعب , لكن ملاحظه هالظاهره تفشت وصارت العقول تفكر في الاصلي او التقليد والماركات ,, ابي رايكم يابنات وهل تحيط بكم هالفئه من الناس ؟؟ شلون تتعاملون معاهم ؟؟؟؟
ارد واعيد لا اقصد الناس الي تلبس والله منعم عليها ولانها شايفه خير وما تفوشر او تتفشخر , انا اقصد الي يتسلفون ويذبحون عمرهم وهمهم وشغلهم الشاغل هو ملاحظه خلق الله ...

يلزم عليك تسجيل الدخول أولًا لكتابة تعليق.

تسجيل دخول

غرررررررررروب • 13 سنة

ياكثرهم اللي كذا

الحمد لله على العقل

ماقد شريت ماركه على اني اقدر لكن بس علشان اتميز عن الناس اشتري من محلات عاديه

خخخخخخخخخخخخ

فانوس 2007 • 13 سنة

أنا عندي زوج اللهم لك الحمد يموت على شئ إسمه ماركة

لدرجة مرة قال لي إذا القهوة هاذي مو ماركة لا تصبين لي ... موب صاحي منين أجيب لك قهوة ماركة

قهوة الضيافة • 13 سنة

فانوس 2007 :

أنا عندي زوج اللهم لك الحمد يموت على شئ إسمه ماركة لدرجة مرة قال لي إذا القهوة هاذي مو ماركة لا تصبين لي ... موب صاحي منين أجيب لك قهوة ماركة

أنا عندي زوج اللهم لك الحمد يموت على شئ إسمه ماركة لدرجة مرة قال لي إذا القهوة هاذي مو ماركة...

ههههههههههههههههههههههههه اسمحيلي من جد ضحكت

دنيا ملونه • 13 سنة

غرووووب
يامميزه انتي
شكرا على مرورج
اشتري ياختي عشان تماشين اصحاب ( الماركه ) ههههههههههه

فانوس
وشلون تصير قهوه ماركه اول مره اسمع هههههههه
الله يعافينا مما ابتلاه ياارب

دنيا ملونه • 13 سنة

لاااا وازيدكم من الشعر بيت كان عندنا واحد بالعمل كله يلبس ماركه فندي يوكه واحذيته وساعته وكل شي , عاد عندنا وحده تقول لازم اجيب راسه لازم لازم هذا كشخه وراعي ماركات ههههههههه الحمدلله والشكر ما شافت اخلاقه ولا شكله ولا قله ديانته شافت الماركات الي عليه , اخر شي خطب بنت عمه ...