كل واحده تدخل تكتب بتستعل كريمات ايه لوجهها وجسمها

السلام عليكم ورحمه الله وبركاته اولا كل سنه وانتم طيببن وعيد سعيد على الامه العربيه واعده الله عليها بالخير والبركه امين يا رب بصراحه انا مشتركه فى المنتدى دا من زمان بس مش كنت بتفاعل بصراحه واكتب مواضيع وكدا ووكنت بستفاد منه اوى وما زلت بستفاد منه ونفسى افيد واعمل حاجه ارد بيها جميل المنتدى دا عليا طولت عليكوا معلش استحملونى بصراحه انا هكتب طريقتى فى الاعتناء ببشرتى وجهى وجسمى انا بيضاء الحمد الله بس مش اوى وزى زيكوا جسمى فيه اماكن غامقه اوى واماكن اغمق حاجه بسيطه ودا بيكون من الاهمال من الصغر وبعد ما نكبر نبقى مش عارفين نعمل ايه وبشرت وجهى كانت من الشمس والحجاب لون جوه الحجاب ولون تانى خالص من بره بالاضافه لحب الشباب الى كان عادم وجهى قولت لازم اخد موقف رحت الاول لدكتور علشان اعالج وشى من الحبوب رحت للدكتور وقالى دى بتبقى فتره فى العمر لازم يحصل كدا وكمان دى بتبقى نوعيه بشره كل واحد ادانى علاج وكان عباره عن كبسول اسمه فبراميسين 100 مجم ورتين ايه وصابونه اسمها كلير فيس توكلت على الله واشتريت الحاجه بصراحه ظبطت وشى كتير والحبوب قلت شهر ورا شهر لحد ما اختفت نهائى رحلتله تانى لان طبعا فى اثر مكان الحبوب وكنت قرات قبل كدا اننا نخلط الدوكين مع الرتين ايه وسالته قالى دا علاج كنا بنعطيه للمرضى علشان يظبط وجههم من الحبوب ويفتح اللون والله العظيم يا غالين ان بقى ليا على الخلطه دى اكتر من اربع سنين ووجهى قسما بالله بقى ناصع البياض ولما رحتله تانى قالى كفايه وقفيها علشان متبقعش وجهك وهيكون فيه بعد الشر عليا وعليكوا زى البهاق والله مسالتش فى كلامه ولسه مستمره عليها بصراحه مقدرش استغنى عنها ابدا المهم بقيت استعملها على طول يعنى احطها بليل واقوم اغسل وجهى بغسول نتروجينا للحبوب الى لونه برتقالى دا واحط فريندلفلى هتقولولى فيه زبئق وبلاوى هقولكوا انا بصراحه معرفش بس الكريم دا من زماااااااااان اوى من ايام ما اخترعوا حاجه اسمه كريمات تفتيح وبصراحه بيخلى وشى اكثر من رائع ومش بحطه بس على وجهى لا بحطه على ايدى ورجلى علشان يخليهم فتحين اكثر وبعمل ماسك مرتين فى الاسبوع بياض بيضه على نشا وقسما برب العباد ان المسك دا هااااااااااااائل وبيخفى شويه شويه ومع الاستمرار المسام الوسعه فى الوجه وكمان بيشيل شعر الوجه انا بحطه على وجهى ساعه وبشيل بعد كدا بيخلى وجهى حلو اوى نيجى بقى للشفايف والمنطقه الى حول الفم دى دى بقى بعملها خلطه خاصه ليها والخلطه دى معروفه من زمان اوى وكان اقاربى بيستعملوها على وجههم وكانت بتخليهم قشطه بمعنى الكلمه ودا طبعا لان فيها كرتزون بس نسبته واحد فى المئه والى هتقولى بيعمل بلاوى هقولها انى بستعملها من ايام ما كنت فى اولى اعدادى على شفايفى وتعالوا شوفها دلوقتى بقى جناااااااااااااااان الخلطه دى بقى عباره عن كريم اسبوتلس ايفا وبيتاديرم كريم خلوا بلكوا كريم مش مرهم وتخلطوها مع بعض فى علبه نظيفه وكل يوم بليل تحطوها على شفايفكوا وحول الفم بس مشكلتها انها بطلع شعر الشنب بطريقه غبيه اوى بس عادى بقى اهو بيتشال بس اهم حاجه انها تكون المنطقه دى بيضه وحلوه ولا ايه
وبحطها برضه حول عينى علشان الهلات فتحت الهلات كتييييير اوى بس بتعمل عروق كدا تحت العين من الكرتزون انا عارفه بس مش بتبقى باينه اوى بصراحه الى عايز يحطها حول العين براحته بس انا حبيت اقولكم والله يا غالين انى دلوقتى كله بيقولى وجهى ابيض وحلو وصافى الحمد الله والله بحمد ربنا على طول لان وجهى كان كله خرايط من الحبوب وسمار الشمس دا بالنسبه لوجهى اما جسمى بقى هقولكم لما اشوف التعليقات :14::14: