كل واحده تقول وش الشي الزين او الشين الي سوته بالولادة او قبلها /بعدها

ياحبيبتي قبل ولادتي قريت عن الولاده قصص واشياء علميه وشفت حتى الولاده الطبيعي والقيصري وكيف تتنفسي
والصراخ ممنوع لانه يتعب والاكل اللي لازم تاكليه بالتاسع وشرب مويه زمزم واكل الرطب والمشي كلها تسهل الولاده
والاذكار وقرايه القران الحمدلله رحت للمستشفى مو خايفه وعندي فكره عن كل شي ...

اللهوم والاعشاب اخدت من النت اشيا كتير ضرتني اكثر مما نفعتني

بس الخلاصه والمفيد قشر القهوه معا القرفه والزنجبيل وتاكلي اشيا دافيه وخلاص

جربت المشد الاندونسي وكان تمام معايا

والغسولات الشعبيه استخدمت الارطا وقشر الرمان لمده يوم وبطلته لانه شد علي الخياط واستمريت ع الغسول الطبي

والكبو جربته بعد 13 يوم بس تعب نفسيتي وزهقني وصدع راسي من ريحته وهالولاده مو ناويه اقربه
اتمنى اكون افدتك

بحملي الاول مامشيت بالشهر الاخير واغلب وقتي نايمه وكانت وولادتي متعسره لئن المشي يساعد ع نزول الجنين للحوض والغلطه الثاني ما أكلت ملين وجاني امساك وسبب لي شرخ والى الان أعاني منه والغلطه الثالثة رحت المستشفى من يوم حسيت الألم وطفشو من المستشفى وقرورلي قيصري بس على اخر لحضه جبت طبيعي. وكل الأخطاء هاذي صلحتها بحملي الثاني كنت امشي كثير وتسهلت وولادتي مارحت المستشفى الا ع الاخير ومن يوم ولدت أخذت الملين عشان الإمساك ومشكوره ع الموضوع

up

الشي الزين اللي سويته اني ماصيحت وقت الولاده وكنت متفائله واهم شي تجي نونتي بخير وعافيه
وكمان انا من اول حملي لين اخره وانا امشي بسبب ظروف دراستي
اخترت اسم بنتي من بدري ماحترت
كنت ارطب الخياطه بزيت زيتون مخلوط معاه مره مطحونه وخوا جوا وكان ترطب لي الجروح وتخفف لي الالم شوي
كنت ادعي قبل ولادتي ياارب سخر لي خلقك وربي رزقني بدكاتره وممرضات عسولات وتمام الحمدلله
كنت ادعي بتسهيل الولاده واخلي امي تدعي لي وماكنت مقتنعه بورد الولاده وقراءة سوره معينه احسها بدعه
وربي رزقني ولاده ميسره سهله اتمنى ولادتي الحين تكون مثلها صح طولت لاني بكريه بس تيسر كل شي وخرجت بنتي بدون مشاكل حتى الدكاتره مااضطروا يشقوني هي شقت لنفسها بدون الم خروج الراس وهذا من فضل الله علي وكرمه ورحمته الواسعه بي

والشي الشين اني رحت لهم من بدري وانا بكريه وجلست اكثر من ١٦ ساعه لين ولدت
وكمان مااكلت نهاائيا قبلها كملت ٢٤ ساااعه وانا ماكلت مافطرت وماتغديت ونمت وصحيت العشا على المويات ورحت ولان الطلق سبب لي استفراغ حتى لو اشرب مويه طلعتها
وجابوا لي فطورهم ماقدرت اكله لاني بس استفرغ من الطلق
وبعد الولاده من الفرحه مااكلت زين والحمدلله


اممم النفاس رحت عند اهلي وامي اللي يجزاها الجنه عن كل شي سوته لي
كانت تطبخ لي الفطور والغدا والعشا اهم شي اكلات دافيه
مااهتميت بالاعشاب واللهومات وهذي الاشياء اهم شي اكل دافي وكله خضار وحليب وتمر
والناس ماقصروا جابوا لي الاكلات الشعبيه الله يجعلهم بالجنه من غير حساب ولا سابق عذاب

مشكورة ع الموضوع الحلوو حبيبتي \\الزين انو ع الرغم من الم الطلق الصناعي وحرارتة والعداب اللي شفت كنت ماسكة نفسي ماصحت ابد عكس خواتي صيحوا وتعبوا وقت الدف وانا اتحملت \\\الغلط اني جمعت لهومات وادوية اسماءها غريبة وهالشي غلط ووقفوا الدم عندي بدري وبع الاربعين نزل معاي لمدة شهرين يوقف وينزل فانتبهوا من الادوية لاتستخدموا الا المعروفات حلبة قشر قهوة زنجبيل قرفة شمر كمون يانسون ادعولي يجيني طلق تكفووون خلصت التاسع ياربي رحمتك مابي طلق صناعي