كل وحدة تحكي كيف كان حملها في ثلاث الآشهر الآولى

ماشاء الله .. الله يثبت حملك ويسهلك حملك يارب

طبعا كل وحده تختلف عن الثانيه ...في ناس ما يحسوون باي اعراض للحمل في بدايه الاشهر
وانا كنت كذا ... لاتضحكون علي لاني والله في حملي الاول والثاني ماحسيت باي اعراض ولا غثيان ولا شي وكنت مستانسه اني ماتعب في بدايه حملي بس على السابع يزيد وزني واثقل وايد ..

بس هالمره ...تعبانه والله وذبحتني اللووووووعه واحيانا احس بدوخه
ومب طايقه نفسي بصراحه ..واحس بشعور غريب مره متضاااايقه ومره متسانسه يعني ما ينعرف لي .. والم في صدري ماقدر المسه
يمكن هذا دلع :) لانه الحمل الثالث بعد 5 سنوات تقريبا اخر طفل عمره 5 سنوات الحين الله يحفظه :32:
بس والله ناسيه شلون الحمل كاني اول مره احمل ..
تصدقون صرت اسأل اختي البكريه الي توها حملت عن وحامها عن حملها كاني اول مره احمل :42:
انا الحين بالاسبوع الثامن من الحمل والله يثبته يارب ويسهل علي حملي

4 شهور نزلت 4 كيلو ... وحام فظيع .. واستمر بس خفيف إلين ما ربيت ...

نصيحه إذا ياج الوحام وزاد لدرجة انج لا قدر الله ياج جفاف .. استخدمي حبوب (نيفودكسين) ..

وادعيلي

والله يتمم حملج ع خير:26:

:44:مستعده الملم عفشي واضف وجهي بالمستشفى
تسع شهور بس احمل..:01:

موضوع حلو وراح يكون مفيد للكل لو تكلمتوا برضو عن بعض المشاكل الي ممكن تتعرض الحامل وتتخطاها بفضل الله

مثل

نزول كيس الحمل بشهور الثلاث الاولى

او نزول المشيمه

او التفاف الحبل السري ع الجنين

او انتزاع الجنين من كيس الحمل

ياليت تفيدونا جزاكم الله خير ورزقكم من اوسع ابوابه آمين :26:

..

.

انا حملت ثلاث مرات بس المرتين الي قبل مختلف عن المرة هذي
الحملين الاولين كان الغثيان واللوعة يستمر معاي من بداية الحمل الين الولادة
يعني طوال تسع شهور الحمل ولكن كنت خفيفة..
المرة هذي غير اللوعة كانت شديدة جداً معاي الثلاث اشهر الاولى حتى استخدمت حبوب الغثيان لاول مرة
بس بعد الثلاث شهور خفت اللوعة كثير ولكن الام الظهر والجوانب والبطن ظل مستمر معي من تقريبا الشهر
الرابع الى الان وهذا هو الشي الجديد علي..
هاااانت ماباقي الا ايام قليلة وارتاح ادعوا لي يابنات بتسهيل الولادة والفرج القريب :26: