كل وحدة تحكي لنا كيف تدلع زوجها وتهتم فيه.. نبي نتشارك الافكار علشان نسعد

يا ويلك من بعض الردود ههههه لي عودة

لو حطيتي رجاءً لايتحول الموضوع لخناقه بين قوسين أو بلون مختلف عشان ينتبه البعض 😂


الزبدة ومنكم نستفيد

حبيبتي اولا" ببحثك هذا و تحريك عن إسعاد
زوجك هو عبادة انت مأجورة من رب
العالمين على هذا....
والمنتديات مليانه افكار..
لو تسوين بحث تلاقين اللي يسرك......
الله وهبك اشياء تقدرين تسيطرين على زوجك بها
واللي يخليه يتمسك بك اكثر واكثر ..

وكل وحدة وشطارتها. وتفننها في دلع زوجها .؟؟
🌹🌹🌹🌹🌹🌹🌹🌹🌹

انا اقول اذا هو يستاهل بكيفهم كل زوجين لكن البلوى اذا ما يستاهل وتجري وراه تراضيه
والله عن نفسي مااسوي شي غير معتاد ولا اي شي انقص فيه قدري ابدا انا اذا غلطت زين اعتذر له بعد
اتمنى البنات يفيدونك لان بصراحه امور كثيره شاغلتني اكثر من اني اخليه محور كل حياتي

عزيزتي ..كان الاولى انك تسألين كيف تدلعين زوجك وكيف يدلعك ..لان الزوجة ايضا انسانة لها احاسيس ومشاعر ....طيب لما تدلعينه هل هو ايضا يدلعك ؟شنو ردة فعله ؟
بالنسبة اللي ..انا قايمة بشغل البيت من تنظيف وطبخ وترتيب ..مهتمة بنفسي بشكل مقبول ..مع اني موظفة وماعندي شغالة ..مهتمة بزوجي ..كيف ؟ اقوم بواجباتي الزوجية ..اهتم بشغله ..انا اصحى قبله لان انا اروح شغلي قبل ..اكون مجهزة فطوره ..ابعثل رسالة عالواتس اب اصبح عليه مع (وردة (: ) من ارجع للبيت ابعث له رساله اشتياق واطمأن عليه واشوف متى يرجع ..ابعثله شعر او خواطر بس مو دايما ...احيانا اعمله مساج بس مو سبيشل يعني شي بسيط ..ابين له حبي بالكلام واظهر تقديري واعجابي فيه وانبهاري بثقافته وذكائه ...
ما اناديه الا ب حبيبي وعمري ( طبعا فقط بيننا ..ممنوع قدام الغير ) ..اتذكر ميلاده واشتريله هديه مع انه مايقبل .. واحيانا اشتريله هديه من غير مناسبة ...ابحث عن الامور اللي تسعده ( بما انه زوجي مهتم و مختص بالتراث والهندسة المعمارية الاسلامية ) ف اصبحت اهتم لهذه الامور وابحث عنها ... نروح للسينما وابحث عن الافلام اللي تعجبه
نجي الحين على رده فعل زوجي عن كل هذه الامور وتجاوبه معي :::: الحمد لله لاشيء ..وان عاتبته بلطف وقلت له ليه انت مو رومانسي معي او ماتبادلني نفس الشي ..يجيني الرد كالاتي : ....تبغين تمركص !!! انا مو رومانسي وهذا انا ..شنو رومانسية ....عيييب
نسيت شي ..زوجي يبعثلي عالواتس اب مقاطع مضحكة فقط ..وآخر هدية منه كانت مغناطيس على شكل باص اللي بينحط عالثلاجة