ها ها .. حلوة ..

أنا زوجي ما أهداني شيء .. في ولادتي الأولى من فرحته خرج على طول من المستشفى و جاب هدايا للممرضات اللي كانوا معايا في غرفة الولادة ؟؟؟ ولا أفتكرني .. قهر.. بس من التعب ما قدرت أتكلم إلا بعد الولادة بكم يوم .. زعقت له ليش يجيب هدايا للممرضات كأنهم شغالين ببلاش وما أفتكرني .. لا و بقوة عين زعق لي و خاصمني ..

.. وفي الثاني لمحت له .. و بعد الولادة ما لقيت شيء .. قلت له : ما أستاهل هدية؟؟ قال لي: كفاية مصاريف المستشفى ؟؟
عمرك ما تكون رومانسي .. قال : أخذتي بدوي جلف الله يعينك ..
طيب ... بعدين دائما لما يسوي عفاشه أفكره بكلامه .. أوه نسيت أخذت بدوي جلف الله يعينني ... صار يضحك ويقول طيب .. الثالث إذا قمتي بالسلامة عندي لك مفاجأه حلوة..
أنا أشك إنها حلوة...الله يستر.

لا عاد انا زوجي الله يخليه لي ويحفظة .. قعد معاي ثلاث ايام اطلق اللي في المستشفى و وقت الولادة وتخيلو اهو اللي قص الحبل السري للبيبي فديته والله و اول ما طلعو البيبي راح المسجد صلى الفجر وعلى طول على الجمعيه يشتري كيكة كبيييييييييييييييرة ويوديها للدكتورة و للممرضات وجاب لي باقة ورد واول ما طلعت من المستشفى جاب لي باقة ورد مع دباديب و مجموعة عطور و كل اسبوع كان يجيبلي هديه غير شكل لحد ما خلصت الاربيعين ..... ازيدكم من الشعر بيت يحليله فوق ما هو مب نايم راح على شيكاغو يجيب حلويات ( بقلاوة وكنافة و شعبيات و بيتي فور و غريبه ) من المحلات العربيه اللي هناك لاني انا قاعدة في امريكا ومنظقتنا مافيها محلات عربيه لازم نروح ليشيكاغو تقريبا ساعتين سواقة .... في حملي الثاني ما ادري شو راح يسوي
... هيه صح نسيت اقول لكم يوم خلصت الاربيعن جاب لي خاتم الماس كبير يجنن والله ....

احلى هديه صراحه شفتها من زوجي دمعة فرحه لما شافني وشااافي البيبي معايا وجابلي هدايه من بعدها لاكن كلهااا ماهي بقيمة دمعته!!:27: :26: :24:
رومانسيه

أنا بالنسبة لي المفاجأة كانت تجنن ماتتخيلونها...........









بما إني طلعت من الأربعين وقت دوام ففاجأني بأنه أخذني من بيت أهلي لل








بيتنا وعلطول نام وخلاني سهرانة للفجر مع البيبي...موقهر.................
بس واعدني بالعوض بعد ماقلتله عن اللي قريت بالموضوع.....وماأدري...ادعو لي