انا ابوي  شرط بالعقد يكون لي بيت مستقل و اكمل تعليمي العالي واذا توظفت مايمنعني و بالنسبه للزيارة الاهل و المصروف اعتقد هذا يتفاهمو عليه الزوجين و يتفقو مابينهم و الحمد الله ربي رزقني بزوج متفهم لابعد حد.  

طيب يا ترى تمانعوا لو كان العريس متزوج وعلى خلاف مع زوجته وشبه منفصلين (اكن غبر مطلقين ) ؟؟؟

بيت مستقل - اكمل دراسة

الصلاه ثم الصلاه ثم الصلاه
ثم الاخلاق ثم الاخلاق ثم الاخلاق



بالنسبه للموظفات ماله دخل بالراتب نهائي وسائق العمل لان بعض الرجال ممنوع حرمته تروح مع نقل معلمات ولا يبغى يوصلها وشلون تروح وظيفتها

بالنسبه للبنات الدراسه _ الوظيفه _ السكن المستقل يعني شقه لك خاصه مب غرفه عند اهله لا لا لا شقه خاصه فيك بكامل اثاثها احسبي بكره بيجيك عيال ان شاء الله وين تحطينهم بالغرفه الي عند اهل زوجك وشلون بتلبسين لزوجك وشلون بتطبخين لزوجك والمطبخ مشترك وشلون وشلون واذا تهاوشتو صوتكم يسمععونه اهل الزوج طلعت كل اسراركم برى وشلوع بتتدلعين زوجك والكل يسمع صععب جدا والشقه مب ياثث المطبخ وغرفة النوم والباقي يطنشه لالالا لانك لو ما اخذتي حقك من البدايه في بيت ابوك بعدين دوريه اذا طالع بوجهك واجلسي هواش ومشاكل كل يوم افرش المجلس ولا افرش الصاله وهو يماطل فيك كل يوم بكره بعده ماعندي فلوس وانتي اجلسي مشاكل ماتقدرين حتى تستقبلين اهلك وشلك بوجع الراس من البدايه حطي النقط على الحروف وارتاحي

بالنسبه للبنات الي عايشين في بيوت ابهاتهم مستوى مادي مرتفع وعايشين دلع ويشترون على كيفهم والغالي ويجيها عريس راتبه الفين ريال شوفي يابنت الناس بقولك نصحيه اذا انتي ماعندك مشكله بعد الزواج تتحملين مع زوجك وتبدين معه من الصفر وماعندك مشكله ومايهمك تنحرمين من اشياء كنتي تتشترينها وانتي في بيت ابوك مثل ماركات سفرات اثاث غالي اكل من جميع الاصناف فالله يوفقك يارب
ويبارك لك في زوجك تحمليه والله سبحانه بيرزقه اما اذا كنتي من النوع الي لا والله تحبين الكشخه وتحبين الخرجات والسفريات
والولادات في المستشفات الفخمه والحفلات وتحبين الزواجات وكل يوم فستان وكل يوم مكياج وكل يوم تماشي وماتتحملين الحرمان من اشياء تحبينها وكنتي في بيتك ابوك تنفذينها فانصحك لاتعذبين نفسك وتحرقين في عمرك كل يوم وتحرمين نفسك من اشياء محببه لك وتدخلين نفسك بمشاكل وهواش وتعذبين الرجال معك بديون وقروض فانصحك ارفضي والله بيعوضك احسن بدل ماتعذبينه على شي مايقدر عليه وتكون حياتكم مشاكل

اما المهر لكل ناس تقاليد وعادات صعب تحديد كثير او قليل لان كل عروس تختلف عن الثانيه ناس ماتحب تشتر كثير وعندهم بساطه وناس لا عندهم لازم ذهب لازم عفش كثير يعني يختلف من عروس لاخرى والافضل بلاش طمع تاخذ العروس مايكفي حاجتها واغراضها لاتنقصين على عمرك شي بس بدون استغلال للعريس لان فيه ناس ماتخاف الله تطلب من العريس اشياء خياليه واشياء مبالغ فيها جدا


والباقي ان شاء الله بتفاهم يجي بعد الزواج

الشروط
اهم شي سكن مستقل اكمال تعليم وظيفه اذا رغبت فيها امساك بمعروف او تسريح باحسان
بالنسبه للسمعه والاخلاق لابد من السؤال الدقيق والمكثف وما يكتفي ولي الامر بسؤال اهله ومكان عمله لان هالامرين مايعطون اي حقيقه عن الولد الاهل طبيعي جدا يمدحون ولدهم والعمل طبيعي جدا بيكون فيه ملتزم لانه مكان رزقه
يسأل قد ما يقدر ويبحث عنه ويطلع برنت اذا له معارف من الداخليه والمباحث بعضهم يكون عليه قضيه وانمسك بس الناس ماتدري لان الاهل مايطلعون عيوب ولدهم يقولون مسافر يدرس او ... الخ وصلاته في المسجد وتعامله مع الناس بعض الناس يشوفون الاب معروف بالدين والاخلاق يقولون خلاص ولده مثله مايحتاج نسأل وهذا اكبر غلط واهم شي الاستخاره لان كل شي مكتوب للانسان