وانا لي 3 سنوات ماحملت والسبب تكيس على المبايض وضعف تبويض :44:

اسأل الله من واسع فضله ان يكرمنا ويرزقنا ان شاء الله عاجلا غير اجل

انا متزوجة من سنه وسبعة شهور
بعد زواجي بشهرين حملت لكن كان الحمل عنقودي(يعني مشيمة بدون جنين) وسويت تنظيف في الشهر الثاني من الحمل وطلبوا مني الاطباء اني امتنع عن الحمل لحد مايزول الهرمون اللي في دمي وقبل سبعة شهور قال الدكتور كل شي صار طبيعي وقفي المانع (طبعا المانع كان طبيعي مو حبوب) ومن وقفتها إلى الحين ما صار حمل والحمدلله على كل حال
***** الله هالشهر يا رب ياكريم يا وهاب

الحمد للّة على كل حااال
مو لو انا اعرف سبـــــــــــب تأخر الحمل كنت بخير ونعمة بس يارب لك الحمد
انا تزوجت من خمس سنين وحملت بعد 9 شهور وجبت ولد عسى ربي يحفظة

وبعدها استخدمت المانع اللولب وجلس فترة 3 سنين وبعدين شلتة والحين لي سنة و8 شهور ما صار حمل

يااااااااااااااااارب اكرمني وجميع المحرووومات يااااااااااااااااااااارب

بسم الله الرحمن الرحيم

حملت بعد زواجي ب3 شهور والحمد الله رزقني ببنوته زي القمر عسى الله يخليها لنا ويصلحها ياااارب وبعدها ب3شهور وصفتلي

طبيبتي حبوب منع الحمل حق الرضاعه وبعد سنه تركتها قعدت تقريبا كم شهر مااستخدمت شي بس اخذت حذري ومنعت طبيعي

ركبت بعدها عند نفس الدكتورة لولب بس ماقالت لي ان له اضرار اذا ركبته بعد الاول وبما انها اخصائيه اطمنت اكثر فكيت اللولب تقريبا

بعد ماصار عمر بنتي ثلاث سنوات تقريبا قعدت سنه ماتعالجت قلت اكيد اللولب عطاني مناعه وبعدها قررت اروح واشوف وش فيني

اول مادخلت على الدكتور وقلت له مشكلتي من طق طق 00000 وسالته هل اللولب يعطي مناعه قال لي لا مش انتي فكيتيه خلاص

توقعته يعطي مناعه نفس الحبوب

وقال لي نبدا بالزوج نسوي له تحاليل قلت له لا المشكله اكيد فيني بما اني سويت الحوسه هذي كلها قال اوكي سويت تحاليل من الى

قال الحمدالله سليمه مافيني اي شي قال لازم نسوي تحليل للزوج علشان نطمن وفعلا سوى زوجي تحليل وطلع عنده ضعف في

الحيوانات المنويه ونسبتها 18 مليون صار له اكثر من سنه ونصف على العلاج طبعا فيتامينات بس ماتحسن قلت لازم اروح للممرخه واشوف وش تقول

رحت الها ومرختني وقالت لي عندك هوى وارتفاع في الرحم عطتني اعشاب استخدمتها طول فترة الدورة والحمدلله وبعدفترة رحت الها

وقالت عندك ارتفاع بسيط في هرمون الحليب وعطتني اعشاب رجعت ومرختني الشهر اللي بعدة وتقول الحمدالله كل شي تمام

سؤالي 00

في احد نفس حالتي وحملت

او في وحدة تعرف احد تعالج من ضعف الحيوانات عند الرجل وتشافى او اي مستشفى يعالج والله زوجي بدى يمل من العلاج والدكتور

اللي كأن ماعنده سالفه معقوله كل هالفترة ولا تحسن وهوهو نفس العلاج ماتغير والله العظيم يابنات مااحد يدري بمشكلتي الاربي

وانا وزوجي وانتو حتى اهله واهلي مايدرون انه منه يحسبونه مني انا وتعرفون لقافة الحريم والجماعه ونظراتهم ليش ماحملتي وسمعنا انك

حملتي والله اذا رحنا لهم في الصيف ماارجع الا وانى خلااااص بموت قهر بس الله يرزقنا ويصبرنا ياااارب ياكريم قاعدين نفكر انا وزوجي

نغير الدكتور بس والله ماعمري سمعت وحدة تقول راح زوجها وتعالج ولا نعرف اخصائي في السعوديه مشهور والله محتارين بنااات

تكفون مالي الا انتوا بعد الله 00

بنتي قطعت قلبي صار لها الحين ست سنوات تقول ليش كل البنات عندهم اخوان الا انا فديت قلبها آخ آخ الله يرزقني وياكن وكل

محروووم


اسال الله العظيم رب العرش العظيم ان يرزقني ويرزق كل محرووووووومه في هالشهر قادر ياكريم ياارحم الراحمين

اخيرا

الله يخلي لكم ولدكم ويحفظه ياااارب

تتوقعين اللولب هو سبب مشكلتي انا وانتي لان ركبناها بعد الاول سمعت كثير يقولون مايصير نركب بعد الطفل الاول

تقريبا نفس قصتي روحي سوي تحاليل انتي وزوجك الله يطمنك يااارب ويرزقنا ويرزق كل محروم