السلام عليكم ورحمة الله وبركاته

المطبخ.:29: المطبخ:44: المطبخ:( المطبخ:06: لا تدكروني الله يخليكم راح انفجر من البكاء

تحياتي :26:

الكووووووووووي
تنظيف الفرن

كل البيت خخخخخخخخ

أنا ما أحب شغل البيت كله على بعضه .. وأشتغل على عيني وأحيانًا ما أشتغل .. وأطنش كل شي وأقعد ألعب ( لسة طفلة )
وأحيانا أهبق ما شاء الله وأخلص كل الشغلات اللي مطنشتها في يومين .. ودايما أدعي انه ربي ينزل علي دا النشاط باستمرار ..

المهم الحلول يا بنات ..

أنا عندي كم حل .. أكيد كلهم تعرفوهم بس الواحد ينسى أحيانًا ..

1- على رأس القائمة : الذكر اللي الرسول علمه لبنته فاطمة رضي الله عنها حتى تستغني عن الخادم .. وهو سبحان الله 33 مرة والحمد لله 33 مرة والله أكبر 34 مرة .. كل يوم .. وصفة .. ما تخرش المية ..

2- اللي يشتكوا من غسيل الثياب .. الغسالة الأوتوماتيك تشيل عنك كثييييييير ..

3- واللي يشتكوا من الكوي .. يا تجيبوا النشافة تجفيف 100 % تطلعلك بعض الأقمشة مكوية .. والبعض الأخر بس شوية تمسيد ..
وبالنسبة لية ما عندي دي النشافة .. لكن أنا أحب الطناش .. أكوي بس ملابس جوزي .. أما ملابسي أنا والعيل أطبقهم وأعلقهم .. وأكوي كل لبس وقت ما أبغى ألبسه .. وأحيانا تجيني الهبقات السابقة الذكر فأمسك ملابس ولدي وأكويها لأنها صغيرة وظريفة وما تاخد وقت ..

4- والمطبخ والحمامات زيي زيكم .. متعبيني ومالهم حل غير انك تخلصي الشغل أول بأول ..
بس ممكن تحاولي تقللي من استهلاك المواعين عشان ما تكتر عليك .. يعني مثلا .. كلوا كلكم في صحن واحد .. أو اذا استخدمت ملعقة أثناء الطبخ حاولي تستخدميها لأكثر من غرض قبل لا ترميها في المغسلة .. واذا استخدمت شي ما يبغالوا غير شطف زي لو أستخدمتي القطاعة عشان تسوي سلطة أشطفيها بسرعة بعد ما تخلصي منها لأنه يكون الوسخ لسة ما لصق .. وراح ينظف بسرعة حتى لو ما حطيتي صابون .. أو ممكن مسحة خفيفة بالاسفنجة ..

وطبعا كل وحدة زي ما تعود نفسها .. والنظافة مقاييس .. يعني في ناس يقرفوا انهم يشطفوا بس بالموية .. لازم الصابون .. وأنا أعرف ناس يغسلوا فناجين الشاهي بعد الاستعمال بس بالموية .. ودايما فناجينهم صفرة .. وأنا أشوف خير الأمور الوسط .. يعني لا افراط في النظافة ولا تفريط ..

معليش اتورطتوا مع وحدة غلباوية ..

:26:

اهلين اكثر شئ يعصبني ويخليني مني طايقة نفسي غسيل المواعيييين وتنظيف البوتوجاز , واذا احد كلمني وانا اغسل الصحون اهب فيه هبة اخليه يطير من المطبخ ويمكن من البيت كله . ( مافيه غير زوجي المسكين )

أكره ماعندي الطبخ وغسيل الصحون
الله يصبرني أحقوق ولازم نسويها الشكوى لله.