يسلمو عالموضوع وحبيت افيدكم بشيء
من كم يوم جربت حشوة لذييييييييييييييييذة بجد حشيت بها سبرنق روول
وهي ..
بطاطس مسلوق وبيض مسلوق
اهرسي البطاطس وقطعي البيض قطع صغيره
ثم احمسي بصل مقطع صغير احمسية بشوي زيت واذا ذبل حطي عليه طماط مقطع صغير ثم حطي ملح وبهارات وفلفل اسود
وخليها تتسبط شوي بعدين حطي معها البطاطس والبيض واخلطيهم ببعض وخليهم يتسبكون ببعض وكل شوي حركي لان البطاطس
بيتلزق بالقدر بعدين ذوقي وشوفي الملح مضبوط او لا
بعدين سكري النار عنها واذا موجود شبث حطي معها او كزبرة واحشي بها اللي تبين
من جد يابنات روووووووووووووووووووووووعه

حشوة البيض دايم مطلوبه مني واكثر شي الصغار حتى زوجي يحبها

بيض مسلوق يقطع صغار ويخلط معاه جبن سايل وبقدونس وشوي فلفل وملح واذا حبيتي شوي قشطه مرات احشيبها توست والفه وحطه بالشوايه ومرات احشيبها الاقماع

أنا كنوع من التغيير احشي السمبوسة ب
بيض مسلوق مبشور
بقدونس مفروم
جبن شيدر مبشور
زيتون شرائح
بصل شوي بس مقطع صغار
شوية ملح وشوية فلفل
اخلطهم بالملعقة واحشي السمبوسة لذيذة جدا بشهادة الجميع

ممكن بيض مقلي أو بيض مسلوق مبشور لكن الحشوة تفضل للفطائر المخبوزه مسبقا مثل الاقماع أو الهلال (أنصاف الدوائر )أو الخبز العربي الصغير (الميني مفرود)وفوقها البقدونس المفروم أو البصل الأخضر أو الجزر والخيار المبشورين......
وفيه حشوة لذيذه جدا وهي الربيان الصغير أو الكبير وطريقته (نحمرشوي بصل وثوم في شوية زيت ونتبله بالبهارات كمون وكزبره ناشفه وفلفل أبيض واللي موجود عندك أو بهارات الربيان الجاهزه بعدين نضيف الربيان بعد تنظيفه ويحرك ألى ان ينضج ممكن نزيد شوية مويه ,أخر شي ضيفي الملفوف والجزر والفلفل البارد الملون المبشورين على الخلطه وأحشي وأدعي لي لانها لذيذه ,,,,
اللي جربتها ترسل لي على الخاص وتقول رأيها لانني لا ارجع للردود أو المواضيع ......

سلااام صبايا الموضوع مره مفيد ورائع
وحابه اشارككم بشي بسيط
اولا حشوه البطاطس
بطاطس مقطع مكعبات وسط مايله للصغيره ومسلوقه
وتعملين على جنب حمسه زي خلطه البتزا اللي هي بصل وطماطم وشوي بهارات وملح وبعدين حطي عليها البطاطس المسلوق
واحشي فيهاا مره حلوه ونوع من التغيير
والحشوه الثانيه نقانق مقطعه اصابع وجبنه شيدر مقطعه اصابع ويحشى فيها الكروساان
وسلامتكم