الله يهديج يا أختي كله اليهال في بدايتهم ترى بس يبون يرضعون .. يمكن لانهم ايحسون بحنان الام يوم ايكونون جريبها وفي احضانها ..
ونصيييييييييييييييييييييحه ... لا تسمعين كل كلمه ايقولوها الكبــار حتى لو كانت أمج ...
بحكيلج موقف صار لي .. وتراني شراتج توني استويت ام .. فديت ولدي عمره احين ثلاث شهور ..
المهم بخبرج عن سالفتي ..
اول ما ولدت في اول يوم كنت أبا ارضع ولدي .. وانا صدري صغير بس الحمدالله فيه حليب ..
المهم امي يلست انتي صدرج ما فيه حليب بتذبحين الولد .. لانه كان ايصيح ومب راضي يمسك صدري .. وعااد انا كنت املزمه انه ما يرضع حليب صناعي وامي اتحاول تعطيه بس ما رضيت وجان ازقر الممرضه وقلت حقها ساعديني ابا ارضعه ومب راضي وامي اتقولي جدامها شو تبينه يرضع مافيج حليب .. وانا ميييييييييييته قهر لاني اشوف انه في شي يطلع يوم اعصره ..
ويوم يت الممرضه حاولت وياه يمسك صدري ويلست اتعلمني كيف اتعامل وياه بخبرتها .. والحمدالله رضع واستـــــــانست والله لاني ما ابي احرمه من شي الله عطاه اياه وابا يكبر وهو بصحه وعااافيه ..
حتى الممرضه قالت حق امي ليش اتقولين حقها مافي حليب الحمدالله صدرها فيه حليب وباذن الله بيزيد عقب هي توها والده ..
والله الحريم الكبار وااايد ايبالغون بكلامهم مراات .. خذي الي ايفيدج واسئلي بالي ما اتعرفينه الي هم بسنج احسن ..
وعليــــج بالحليب ومنتجات الالبــان والسمسم والطحينيه والرهش و الحلبه .. و نوعي باكلج قد ما تقدرين ..
والله ايخليلج بنوتتج وتشوفينها عروس يااااااااا رب ..
والحلاوه الطحينيه اهم شي انك ما تاخذيم مانع حمل لانه ينشف الحليب