كل وحدة تعرض خبرتها هنا ابتدائا من اول يوم عرفت انها حامل الى الولادة

سبحان الله والحمدلله ولا اله الا الله والله اكبر

سبحان الله والحمدلله ولا اله الا الله والله اكبر



ولا وحده حملت او ولدت تعرض خبرتها لاخواتها المسلمات؟ سبحان الله ولا وحده تريد الاجر والثواب؟ واذا ساعدت اخت حامل جديده ربي بيسهل عليها ؟سبحان الله

استغفر الله والحمد لله ولااله الاالله والله اكبر

مشكورة أختي على هذا الموضوع


أنا ولدت قبل شهر تقريبا والحمد لله ولادة طبيعية... في البداية تزوجت وحملت بعدها بثلاثة شهور وكنت طايرة من الفرحة<<< مسكينة مادريت أنه كله تعب

الموهيم .. كان كل شي تمام الحمد لله وضعي ووضع الجنين بس اهم شي الحامل لازم تآخذ الفوليك اسيد الثلاثة الشهور الأولى وهذا مهم جدا لأنه يقي بعد الله من التشوهات
وبعد الثلاثة الشهور بتعطيها الدكتورة كالسيوم وحديد وكمان هذي مهمة ولو ماأخذتيها بيصير عندك دوخة حتى وإن كانت صحتك تمام<<< أنا صار معي كذا

أما الوحم ماجاني كثير الحمد لله .. يعني شوية استفراغ ( أكرمكم الله ) ومو كل يوم

بس ماتعبت إلا من بعد الخامس ... الله لا يوريكم ...ماأقدر أنام ولا أكل ولا أرتاح... أولا بسبب ألام رجلي وماكنت أقدر أجلس على الأرض من ألالم.... وكمان الحمووووووووووووووووووووووووووضة جننتني ... وخاصة برمضان وبسببها أفطرت نص رمضان ( الله المستعان)

ونصيحة لكل وحدة أنه مايزيد وزنها أثناء الحمل عن 12 كيلو لأنه وزنك ماراح يرجع بسهولة

أنا في بداية حملي كان 54 ويوم الولادة كان وزني 66 والحمد لله رجع وزني بس لأني باقي في النفاس لسى مارجع كله




ولادتي طبعا كانت يوم الخميس... أول شي أنا بكرية وتأخرت عن موعدي أسبوع كامل يعني كان المفروض أولد الخميس اللي قبله... يوم الأربعاء نزل علي دم وقت صلاة الفجر بس كان خفيف مرة وكان عندي زي آلا م الدورة بالضبط... وجلست لين بعد ماتعشيت مافيني شي الحمد لله ...بعد العشا نزل علي موية وقمت أبكي وأنادي أمي والمسكينة أنفجت وبسرعة وداني أبوي المستشفى ولما رحت لقت الدكتورة الرحم مفتوح 2 سم بس...
نوموني ولما جت الساعة 11 بدا الطلق والحمد لله كنت طول وقت الطلق وأنا ادعي وماطلعت صوت أبدا ( وهذا رحمة من الله ) وطبعا من غبائي لما تجيني الطلقة كنت ادف على تحت... ولما جت الدكتورة الساعة 1 بالليل لقيت ماانفتح ولاشي غير 2 سم وهاوشتني وقالت لا تدفين على تحت لأنه مابينفتح وكمان عشن راس الجنين لا يتشوه بس تنفسي على برا ... وفعلا سويت كذا وبعدين بعد ساعة وصلت 4سم ... من بعد الساعة 2ونص جت وحدة في السرير اللي جنبي كمان عندها ولادة... وعطتني مرافقتها تمر ... وبعدها حسيت الموت لأنه حمى علي وصار الطلق ورى بعض ولا فيه مجال للراحة ... والله والله صرت أصارخ وأضرب في السرير وفي الممرضة ودخلوني الولادة وأنا لسى 6سم والحمد لله بعدها تسهلت الولادة ولله الحمد



أما عن التجهيزات للمولود فأنا جهزت من عرفت أني حامل<<< خخخخخخخخخخخخ مستعجلة

بس والله كنت فرحانة

بس ماكثرت ملابس لأنه كبر بسرعة ماشاء الله


أتمنى أني أفدتكم ... واللي عندها سؤال أو استفسار أنا حاضرة سواء عالخاص او في هذا الموضوع

اكبر غلطه اني شريت ملابس تلبس شهر المفروض كثرت من اللي تلبس من شهر الى ثلاثه شهور

ثاني شي بعض البجامات يكون الطقطق من وراء واحس هذا يضايق الطفل

واهم حاجه وانصح فيها الحوامل فيه بجامات عند مذركير تجي ثلاث حبات او اربع حبات مع بعض هذي مررره ممتازه

غسيل وكوي ما تتغير والاكمام لما تصفطينها تكون قفازات للطفل