كل وحدة تقول ايجابيات زوجها،، و بتطلع وهرمون الحب زايد حبتين💕

أسعد الله صباحكم بالخير و المسرات و الرضاء و السعادة 


ابشركم انا اليوم وحدة ثانية 
انا اليوم قمورة غير عن اللي تعرفوها بس تتشكى من زوجها 

اللي صار اني جلست مع نفسي جلسة مصارحة في اخر الليل قبل الفجر 
و حاسبت نفسي و استغفرت ربي كثير و قلت يابنت الدنيا فانية و ماتستاهل انك تزعلي و تضيقي خاطرك على اقرب انسان لك و تتذمري و تتشكي منه الى متى! بكذا حتى عقلي اللاواعي يخزن الحاجات السلبية عن زوجي و تثبت في بالي و صعبة اغيرها عنه او انساها! 

وش سويت،، انا هاليومين و بعد السالفة اللي صارت ( الكمين) في موضوعي السابق!! تغيرت من الداخل وصرت احاسب نفففسي حسيت اني جنيت على نفسي و على زوجي لاني ذكرته وهو يمكن ناااسي! والله ينسيه و لايجعل في قلبه غيري 

و حسيت ان مواقفي الحلوة و لحظاتي الجمييلة تتكررر علي كثيير هاليومين و شريط جميل يتكرر صبح و مساء 

فرررررحت للملاحظات بجوالي و كتبت ايجابيات زووووجي علشان عقلي اللاواعي يصدقها و يخزنها و تتغير فكرتي عنه و علشان ترتاح نفسيتي تجاهه فكتبت التالي : 
احم احم 
اوول شيء اذكروا الله وقولوا ماشاء الله 👍 

*حنون ( واحيان اذا تعبت او زعلني يراضيني بطريقة فيها حنّية و يسوي لي اكل و يوكلني بيده) 




*كريم ( يكرم اهلي اذا زاروني و يبيض وجههي قدامهم 




*مايخلي بنفسي شيء الا و ينفذه حسب قدرته( من طلعات او مطاعم او سفر للدولة اللي بنفسي ازورها) 




* قنوع( مايحب يتعبني و يتأمر علي غسلي اطبخي سوي ووو الخ ،، قاعدته في الغالب الجود من الموجود) 




* ما ينسى فضلي عليه ( اذا سويت شيء من طبخ او غسيل ملابسه دايم يتشكرني ويقول الله يعطيك العافية) 




* يحب يفاجأني ( في المناسبات يفاجأني بهدية و يحتفل فيني بميلادي و احيان يهديني بدون مناسبة واذا اشترى لنفسه عطر مثلا ماينساني و يجيب لي معه) 


والله يشهد علي بعدها نفسسسسيتي تغيررت للاحسن و نظرتي تجاهه تغيرت و حاولت اني انسى سلبياته ودعيييت ربي من كل قلبي انه يصرف نظري عن سلبياته اللي بتهدم بيتي لو بصدق عقلي و بمشي وراها!! 


اخيرررا 
انصحكم وحدة وحدة انها تتذكررر محاسن زوجها و ايجابياته وباذن الله بتتغير حياتها للافضل وهي المستفيدة بالدرجة الاولى 

و تذكري 💖 
الدنيا فانية .. عيشي فيها و اسعدي نفسك قد ماتقدري .. عيشي مع زوجك وانبسطي بكل لحظة.. لا شك في منغصات اكييد .. لكن صدقيني اذا خليتي الايجابيات دايم فبالك راح تغطي عالسلبيات و بترتاحي💖 


دمتم في سعادة مع أزواجكم💏 

و يالله ياحلوات شاركوووونا و اتحفونا وكلن يدلي بدلوه👏 

هالموضوع عن تجرررربة رفع هرمون الحب و الشوق عندي هههههه 


الحمدلله الذي بنعمته تتم الصالحات