مرحبا

أنا تأخرت عندي الدورة 5 أيام وكنت احس ابثقل في جسمي وحتى يوم اطلع الدرج في البيت احس عمري ما اقدر ودقات قلبي اتزيد وكنت احس ابشي بيطلع من جسمي وقلت اكيد هاى الدورة سألت امى اتييب لي شى اينزلها والحمدالله اني ما خذيتها تريت شوى ورحت الصيدلية وخذت التحليل والصبح قبل لا اسير الدوام سويت التحليل بس ما طلع شى لا خط ولا خطين تشائمت ورحت الدوام ولما وصلت هناك ما قدرت الصبر سرت للدكتورة مالت الدوام وسوت لي تحليل دم وبول وطلعت حامل أول ما قالت لي السستر قلتلها جذابه ما اصدقج ولما رجعت البيت شفت على التحليل خطين تعرفون ليش اتاخر لاني كان حملي توه في بدايته وبس والحين أنا في الثاني اتريا متى اربي بالسلامة والله يرزق الجميع ان شاء الله :27:

:)

انا دورتي متلخبطه جدا ..حللت بعد 12 يوم من تأخر الدوره تحليل منزلي ولا طلع شي
انتظرت اسبوع وحللت دم طلع على طول الحمل ... وكنت ناويه ابدا علاج لان اخر طفل عمره الان 4 و8 شهور

الحمد لله رب العالمين والله يثبته يارب ..... وعقبال البقية

الله يرزقك يارب
انا يا قلبي قعدت 5 سنين ما حملت
مابين ادوية وابر ودكاترة
لين رحت لآخر دكتور وعلى أساس أبدأ دورة علاج جديدة معاه
أخذت اول كورس
واصلا دورتي متلخبطة
ودايما كنت افكر اني حامل واروح احلل ما يطلع شي :44:
سبحان الله داكا الشهر غابت 10 أيام وانا افكر من الابر ومستنية كم يوم كمان عشان آخذ حبوب انزلها
حسيت كده بألم من تحت وصرت اروح كل شوية على الحمام رحت للدكنورة قالتلي نحلل طلع سالب وأعطيتني ادوية للالتهاب بس
بعدها بكم يوم كلمت دكتوري قالي سوي تحليل حليب وتبويض وحمل
وسبحان طلعت حامل بثلاثة أسابيع
وانا ولله الحمد في الشهر التاسع
ادعولي الله يولدني بالسلامة :04:

اللهم ارزقنا بالذريه الصالحه :27: