كل وحدة جربت منتج في أي مجال تنصحنا به .. ايش رايكم ؟

انا مااعرفالا االاكل والنوم :22:
بكون ربه منزل فاشله افيدونا يا ستات يا حلوين :)

هلا والله أختي ست الحسن ، الله يحييك ويبارك فيك ، أنا صار لي مدة منقطعة والحين رجعت لكم ما أقدر أستغني والله .. الله يسعدك مثل ما أسعدتيني بهذا الرد الشافي الوافي .. وسامحيني على التأخير في الرد ، أنا شفت الموضوع لكن ما قدرت أرد فأعتذر مرة أخرى ..


ماشاء الله تبارك الله تجاربك رائعة ، وخاصة مكواة البخار ... تصدقين كنت ناوية أسأل عنها في المنتدى هنا ، لأننا ناوين نشتري وحدة ، لكن خايفة على الأطفال منها ، أقول أخاف يفتحونها وأنا ما أدري فتؤذيهم .. ونفس الوقت كنت محتارة في فائدتها ، لكن ما دام قلت لي كذا فالحين تشجعت اني أشتريها ..؟

وكذلك المكواة النوع الثاني اللي تكبس الملابس ..عاد هذي اللي مخوفتني مرررررة


وبالنسبة للغسالة الأوتوماتيكية فعلا روعة جربتها وممكن أي واحد في البيت يستخدمها ...


وفرامة البصل والطماطم أي وحد تقصدين ؟ هل هي يدوية أو كهربائية ؟ وهل تسوى نستخدمها كل يوم والا لازم كميات كبيرة ؟ وإذا كان عندك شغالة ليش تستخدمونها ؟ أنا اللي أسمعه أن الشغالات يخربون الأجهزة الكهربائية لأنهم ما يعرفون لها ...


سامحيني على كثرة الأسئلة ، لكن عجبتني خبرتك ماشاء الله وجزاك الله كل خير يا ست الحسن ..



0

الغسالة الأوتوماتيك طبعا لا يعلى عليها .


انا جربت من المنتجات الغذائية :

بندورة Pomi ,وهي صلصة طماطم او حبات كاملة مقشرة وهي منتج ايطالي وطعمها حلو وأنا صرت أضطر لأنو البندورة العادية تخرب بالتلاجة ما منستخدمها كتير وتخرب .

البطاطا اللي على شكل وجوه حلوة ورخيصة ( منتج كندي ) في من نفس الشركة كيكات حلوة ورخيصة مثلجة وتبيض الوجه بتقصيها الشكل اللي بدك ياه مربعات صغيرة او كبيرة أو دوائر .
اسم الماركة ( ماك ............ نسيت الكلمة التانية )

مكواة البخار جربت وحدة شكلها متل المكواة العادية بس بخار سريعة وخصوصا للعبايات وأهم شي الشغالات ما يستخدموها .

شريت مرة مفرمة يدوية بس عجيبة : تفرم راس الملفوف لسلطة الملفوف بالمايونيز بأقل من 5 دقائق والله الراس الكبير .
ومرة فرمت اصبعي لأنها شرة حادة جدا . لو تذكرت بصروها لكم مرة ان شاء الله .

ليش يا ouch
ترى ما عندنا في عالم حواء حريم فاشلات ... وخلي عنج الأكل والنوم ترى ما بسبب الا السمنة .. ولا تخلين أحد يسمعج تقولين هالحجي ترى ما يخطبونج .. أها عاد يلله قومي عن النت وخلي الوالدة تفرح فيج .....

الله يسعدك مثل ما ضحكتيني ......تابعي الموضوع وان شاء الله الخوات ما يبخلون علينا ..