هذا الموضوع إجتهاد شخصي مني مو منقول ولاشي عسى ربي ينفعني فيه وإياكم يارب
كلكم عارفين إن داخلين شهر رمضان الفضيل وهالشهر فيه من الخير الكثير وعارفة كلكم راح تتجهدون بالعبادة عسى ربي يتقبل منا جميعا وكتبت موضوعي هذا من باب وذكر إن الذكرى تنفع المؤمنين والدال على الخير كفاعله رمضان يجي مرة واحدة والله العالم راح نحضره وإلا لا عسى ربي يطيل أعمارنا على طاعته لازم نستغل كل ثانية فيه ولانترك شي يضيع منه لإن راح يجي يوم ونندم على اللحظات اللي تركناها تضيع ولا أخذنا فيها أجر بنات كلنا نعرف أهمية الأستغفار وفضله لكن الأجر مضاعف برمضان أنا ماقلت اتركي بيتك وشغلك واجلسي استغفري ولاتسوين شي لا اهتمي بشغلك واطبخي واشتغلي بس خلي قلبك مع الإستغفار استغفري بقلبك مو بس بلسانك واستغلي وقتك بالمطبخ بالإستغفار والذكر والتسبيح والحمد والشكر اشكري ربي إن عطاك هالفرصة عشان تمسحين ذنوب السنة كلها الحمد لله يارب على نعمة الإسلام لاتخلين الشهر يعدي إلا وأنتي مستغلة كل لحظاته والله الأيام تركض وهالثلاثين يوم راح تمر كأنها ساعة اجتهدي بكل شي من ذكر واستغفار وصلاة وقيام ولاتنسين فضل إفطار الصائم ومافي أكثر من خيام الإفطار إذا تقدرين اشتري وجبات الإفطار وخلي أحد يوديها للخيام لإنها مليآنه من العمال المساكين وإذا ماقدرتي من طبخ بيتك حتى لو شي قليل ولاتنسين قول الرسول صلى الله عليه وسلم ( اتقوا النار ولو بشق تمرة ) .
غير كذا عندك توزيع الموية جيبي من صلاة العصر كرتون موية العلب اللي نفس الأكواب وحطيها بالفريزر وقبل آذان العشاء خلي أحد من إخوانك الصغار يآخذها ويحطها بالمسجد يوزعها بشكل مرتب يستفيد منه المصلين في وقت صلاتهم لإنهم وقت الصلاة مايقدرون يطلعون ومو كلهم يجيب مويته معه تكسبين أجر ..
بعد إذا معك فلوس اشتري مجموعة مصاحف وأذكار حطيها بالمسجد تعتبر لك صدقة جاريه بشهر رمضان وغيره .
ولاتنسين صلاة التراويح مو شرط بالمسجد لا فبيتك أهم شي كوني متواصلة مع ربي العالمين في الشهر وغيره لكم الأجر مضاعف بشهر الخير ولاتنسين قراءة القرآن مع كل صلاة اقري لك أربع صفحات راح تخلصين جزء كامل باليوم القرآن المفروض مانهجره أبد لكن الأجر مضاعف ولاتنسين ليلة القدر اجتهدي كل الأيام عشان تضمنين إنك من اللي قاموا ليلة القدر احتسابا للأجر من رب العالمين
بنات أكيد في أشياء كثيرة ماذكرتها أنا حبيت أذكركم وبس مو أحدد الأعمال اللي تسوونها أنا عارفة كلكم فيكم الخير والبركة وفي ناس أحسن مني بكثير بس أنا طمعانة بالأجر وأبيكم تستفيدون خواتي ..ولا تفكرون إني قلت هالكلام لإنكم ماتعرفون عن أهمية هالشهر لا يشهد علي ربي إني عارفة في ملايين افضل واعلم مني أنا قلته من باب التذكير والتعاون
وأخيرا ادعولي أتوظف الوظيفة اللي أتمناها ..
الله يحقق لكم اللي فبالكم وادعوا لأمي بجنة الفردوس الله يرحمها ويرحم أموت المسلمين .
اللهم هذا ماعندي فإن كان صوابا فمنك وحدك لاشريك لك وإن كان خاطئ فمني ومن الشيطان وصلي اللهم وسلم على سيدنا محمد ...
دانية الرياض @dany_alryad
محررة فضية
يلزم عليك تسجيل الدخول أولًا لكتابة تعليق.
(وردة الزهور)
•
اللهم صل على محمد
الصفحة الأخيرة