كل وحدة زوجها ماينام في غرفة النوم تدخل

بنااااات أنا زوجي من كم سنة وهو ينااام برة غرفة النوم في غرفة المعيشة في البداية بحجة إني أشخر وأتا نايمه وهو نومه مره خفيف وأحيانا يتحجج بإنه راح يزعجني رايح جاي عل الحمام او إنه يكحححح ولدرجة صار يقول لمن انام معاكم ماأخذ راحتي لافي كحة ولا عطسة اكتمها لأنه عنده حساسية الصدر ودحين كملها برجة الأطفال الصغير ببكاه لمن يبغى الرضعه والآن عمره سنة تقريباً وأخوه خمسة سنوات كمان ينام في نفس الغرفة يعني غرفة النوم ليه انا وعياالي والزوج شارد كله بحجة انا عندي دوام وماأقدر أنا إذا عندي أي صوت وصراحة يابنات انا أحس كل هادي حجج واهيه لأنه يبغى النومه عند التلفزيون والقنوات هادي وحدة وأنا صراحة يابنات مرة أتأزمت نفسياً صرنا عايشين في جفا يمر يوم كامل وإحنا زي الأخوان لاسلام ولا لمسة ولا أي عاطفة غرفة النوم والنومه تحت سقف واحد لها فوائد كثيرة مايحس فيها إلا اللي فاقدها ماكنا كدة تتدريجيا إنفصلنا عن بعض وإحنا في نفس البيت وحتى إذا صار بيننا شي من دون اي مشاعر بكل جدية والله يابنات حاولت مع جميع الطرق إني اعمل غرفة تانيه للعيال ورحت للمستشفى اتعالج من سبب الشخير وأهيا جو رومنسي عارفين يابنات المشكلة عندي مو @الجنس@أنا آسفة عل الكلمة بس انا أبغى الإستقرار الأمان روح العيلة حتى قدام الأطفال إن الأم والأب ينقفل عليهم باب واحد التآلف مأدري من تعيش نفس حالتي ومتأقلمة أو قدرت تحل المشكلة ماأدري أتمنى التعاون ....