السلام عليكم يابنات كلامكم كلة احلى من بعض نعمل جروب ونتبادل الخبرات

الله يسعدكم بحياتكم

مو شرط تكون العيشه مع اهل الزوج مشاكل ونكد ... اكسبيهم وخليك طيبه معهم وبيحبونك اكيد ..

مرحبا يا بنات
الموضوع موضوعي واليوم عرفت انه هون ما كنت عارفة انهم نقلوه على هاد القسم بدكم تحكوا المخ ضرب معي شوي
المهم بشكر كل اللي شاركو بالموضوع كل كلامكم صحيح وللاخت اللي اعتبرته حكي فاضي اولاً: لكل واحد وجهة نظره
ثانيا: لو انها بنفس الوضع ما بتحكي هيك اللي ايده في المي مش زي اللي ايده في النار
على كل حال بدي احكيلكم قصتي
لما خطبت كان على اساس بده زوجي يبني فوق اهله وعلى هاد الاساس تم كل شي
بعد فترة صار البنا صعب وبدنا نستأجر ما كان في مشكلة عندي
طبعا هون تدخلواهالينا وما شجعوا الموضوع لانه رح انتقل لمدينة تانية بعيدة عن اهلي 4 ساعات وصممواهل زوجي انه نسكن عندهم عشان نوفر فلوس في اول حياتنا ونقدر نشتري شقة احنا اقتنعنا بالفكرة ورضيت عشان زوجي
اول حياتي كانت حلوة وكنت مبسوطة وفعلا ما حسيت بالغربة واني بعدت عن اهلي , اللي عايشيين في البيت ابو زوجي وامه واخوه الصغير عمره 15 سنة
انا ما بدي احكي عن حالي ما في انسان كامل بس انا طيبة كتير وبسامح بسرعة وبالي طويل
تزوجت وانا عمري 22 بس من كتر القصص اللي سمعتها تعلمت كتير اشياء وكنت اتجنب كتير غلطات ومرت سنة من دون مشاكل بس آخر ست شهور عن كل السنة هاي
كنت انا وحماتي نشتغل ونطبخ مع بعض وكان الموضوع ممتع البيت كبير وشغله كتير وكان ولاد اخو زوجي يوسخو البيت وكل الشغل يروح على الفاضي وهاد الحكي كل يوم لانهم ساكنين فوقنا
ما كان عندي مشكلة لانه كنا متعاونين في الشغل
حملت بعد زواجي ب5 شهور وكان وحامي نوم ولاني تعبت كتير كتير بحملي بطلت اقدر اشتغل زي اول ومن هون بلش البوز والحكي يدخل
صارت حماتي تنسحب تدريجيا من الشغل وصار البيت كله على راسي هاد وانا حامل في شهوري الاولى والله يا بنات ما توقعت يتم حملي من كتر التعب بس الحمد لله الله كبير
وما كان عندي اعتراض كنت ساكته وبساير لاني بحب زوجي واحترام لأهله وما كنت بشكي او بحكي دايما بضحك وما ببين اني زعلانة

طبعا كان المزح من كل افراد العيلة زنخ وشغل مقاهرة وكنت اتحمله والله كنت اعيط مرات من كتر زناخة المزح وهاد الشي كان يبسطهم ويستغلوه
سلفاتي تنتين بجاوبو حماتي وبزودو بالحكي معاها احيانا ولانها كانت تضل تشكيلي عنهم كنت مفكرة اني المفضلة عندها ولاني بتعامل معها كويس وبحترمها بتحبني طلعت بالنهاية بتحكي وبتشكي علي من وراي وبتجاملني عشان زوجي يضل عندها وما يرحل عشان يضل مصدر الفلوس عندها.......... هاي حكاية تانية بحكيها بعدين
المهم صار شغل البيت علي والطبيخ عليها والله يا بنات لو انها تعبانة او مريضة ما بزعل بعذرها بس اغلب يومها طالعة بالسيارة وعلى السواق والمشاوير ووقت الشغل بتصير تعبانة
طبعا زادت شهور الحمل وزاد التعب وما في حد يراعي او انها تحكي بساعدها لانها حامل على الأقل بالعكس تخلت عن الطبيخ وصار كل شي علي الشغل والطبيخ
هون طلعت روحي صارت بس تضلها قاعدة وتتأمر وهي محلها على اساس انها بتطلع تشتري غراض الدار بالسيارة وبتوصل تعبانة على فكرة اغلب المرات بكون معاها عشان أشيل كياس
وطبعا قصة النوم قصة يا سلام كم كلمة بسمع اذا بتأخر في النوم ما بدكم حد يحكيلكم عن بلاوي الحمل ووحام النوم وطبعا كانت تجاملني هي وعمي ومن وراي يحكو علي ويسبو كمان
كنت اسمع الغلط علي وعلى اهلي وما كنت احكي اشي وطبعا على اشياء تافهة
طبعا كل زيارة عند اهلي تتدخل فيها وتسم بدن زوجي من وراي وتنكد عليه وطبعا ينزل النكد علي من زوجي
الله يعينه كتير قلبه طيب وبراجع نفسه بعدين واللي بصبرني انه بتنازل عن كتير شغلات من حقه وبحكيلي ما رح انسى وقفتك معي واهتمامك بإمي وابوي والله انه مو مقصر معي بشي مادي او معنوي بس زيارات اهلي عشان النق شغال مع انها كلها 4 ساعات