وش قصدك بفوووووووووق :o

ياحليك ياأثير معناة فووق يعني رفعت لك الموضوع
عشانك شرفتي تجمعنا راح اشرف موضوعك خخخخ واحط لك موقف صارلي لما كنت ادرس فالكليه

الموووقف
كان في الصبح وانا ابغى اروح للكليه وكنت لابسه بلوزه بيضا لها قبع المهم كان ذاك اليوم لازم اجيب معي مذكراات الدنيا عشان
قرب الأختبار لما كنت طالعه من البيت ولبست العبايه وشايله معي المذكراات والشنطه مانتبهت من الي معي اني مو حاطه العبايه ع راسي كنت حاطه قبع البلوزه البيضا يعني القبع ابيض ومتغطيه بأسود عاااد تخيلو شكلي
لما قربت من سيارتنا وكانت مضلله يعني
القزاز اسود شفت نفسي فالقزاز ابيض بأسود تقول جني واخلي حوستي واصلح
العبايه واتلفت في احد فالشارع
زين الحمدلله ماكان فيه احد

ههههههههه

الله يعافيك ياسحاب ويديم عليك الصحة والعافية ابي اقولكم موقف حصل معي لما كنت بسادس الموهيم كان حفل امهات وانا من اللي يقدمن القهموة وانا اقهوي وحدة وراء الثانية وانا اجي لم حرمة وانا من الارتباك وهي تنكب القهوة اللي بالفنجال على الحرمة والحرمة تنفض وتقوم من الخرعه وتضحك وتنظر فيني وتضك وتقول ماصار شيء وانا انحرج عاد تخيلوا شكلي خخخخخخخ

يلا خلوني اشوف كل مواقفكم المضحكة

وانا بعد حمستوني اقول موقفي
في يوم من الأيام يوم كنت بالمدرسه في الثالث ثانوي
كنت عريفة نظام وكنت مسويه فيها ماحد قدي المهم المعلمه في ذاك اليوم تأخرت عن الحصه قمت عاد انا من اللقافه والهياط اللي فيني وقفت عند الباب اشوف المعلمه حاضره وإلا غايبه وكل مامرت معلمه سألتها المعلمه الفلانيه غايبه وإلا لا المهم واناظر من عند الباب إلا والمعلمه في وجهي جيت انا عاد مفحطه
وساحبه جلنط بنحاش واقول للبنات ان المعلمة جايه الفصل ويوم وصلت لباب فصلنا وازحلق في ذاك العصير اللي كان مكبوب على الأرض عاد انا مسكت شوط في التزلج عند البنات مافيه وحده إلا واضحكت على ماصدقوا اني اطيح عاد انا تكسرت وقمت بسررعه مسويه فيها بطوليه ماعورني حاجه عشان البنات يقولون قويه ماشاء الله تتحمل ويوم جيت امشي إلا وانا متكسره اعرج قدام البنات وزدت الطين بله واضحكوا مره ثانيه ويوم اناظر وراي إلا والمعلمه ماتت ضحك على وقالت هاذي جزات اللي يطلع من الفصل ورحت اصيح عند المشرفه من الوجع وغبت اليوم الثاني من الفضيحه والوجع...
عمري في حياتي مانسى الموقف هذا المحرج

خخخخخخخخخخخخخخخخخخخخخخخخخ

والله موقفك محرج خخخخخخخخخخخ