كل وحدة كيف تعرف نفسها إنها حامل

سلام عليكم بنات شخباركم
أبي أطلب منكم طلب ..
زي ما تعرفون للحمل علامات .. وتختلف من وحدة إلى وحدة .. 
عاد أبي كل وحدة فيكم تقول لنا كيف تعرف نفسها إنها حامل ..
شنو العلامات ألي تعرف نفسها بها ..
لأن علامات الحمل الي نقراها في قوقل .. (غثيان الصباح + الشهوة لبعض الأكلات + النفور من بعض الروائح .. إلخ)
هذه كلها مو أكيدة إنها علامات حمل لأن تجي أحيانا من دون سبب 😟☝

فأبي كل وحدة تقول بشنو تعرف نفسها إنها حامل ...
وببداء أنا عن نفسي .. أعرف أني حامل بأربع علامات 😇
الأولى :
كثرة التبول ..
لمن ألاحظ نفسي أجلس من النوم أكثر من ثلاث مرات عشان تكرموا أتبول .. وتستمر معي أسبوع كامل خلاص أشك أني حامل

الثانية :
حلمات الصدر ..
ألاحظ حلمات صدري تصير على طول بارزة .. حتى مع السنتيان .. وأول ما أجلس من النوم أتحسسها بيدي ألاحظها صج ناطة على طول .. بدون حمل تكون مرتخية ونايمة .. وتنام مع الستيان وأول ما أجلس من النوم تكون نايمة

الثالثة :
أتحسس عرق الحمل ..
هذه المعلومة أخذتها من أمهاتنا الكبار يعرفونها .. وهي أني أنسدح على ظهري أو حتى بطني وأحط صبعي في سريي وأضغط شوي وبعد شويتين بحس بعرق ينبض ..
هذا العرق .. 
أ) إذا كان نبضه منتظم يعني أنا طبيعبة وممكن أحمل
ب) إذا كان نبضه مو منتظم يعني عندي مشكلة بالعروق او الرحم تمنع الحمل وأحتاج تدهين عشان تعتدل عروقي
ج) إذا كان مافي نبض .. 😀يعني حامل

الرابعة : 
الحكة ..
أحس بحكة تجيني في أكتافي من أنسدح على فراشي .. (طبعا أنا فراشي صاير زي فروة الدب .. المفرش والدباج وشراشف المخدات كله زي فروة الدب)
وانا عادة ما أتحسس منه .. بس إذا صرت حامل أحس بحكة في أكتافي من أنسدح عليه


طبعا يا حبيباتي كل هالعلامات ألي قلتها .. قبل موعد الدورة بأسبوع .. أو في أسبوع الدورة ..
وأبيكم تفيدوني بالأعراض ألي كل وحدة فيكم تحس فيها قبل موعد الدورة

الله يعطيكم العافية