نسيت نقطه انا كل فتره اجيب شغاله بالساعه تنظف التنظيف العميق00 حتى اذا كانت عندي عزومه كبيره جبتها تساعدني وبكذا
مااكون محتاجه شغاله داائمه عندي واصلا عزايمي وضيوفي نااااااااااادرين جداااااااااااا
واهل زوجي اكثر شي نطلع بر مثلا بر وغير نتفق كل وحده تسوي شي معها ونتجمع براااا
والحمدالله انا مو مرهقه نفسي بالشغل ابداااااااا اشتغل مزاجي وعلى راحتي

انا عندى ثلاث الله يصلحهم ويهديهم ويباركلى فيهم جبت شغالة والحمد لله كبرو عيالي واستغنيت عنها يجون دائما أصدقاء زوجي فجئة قبل نصف ساعة الى ساعة تقريبا ونادار جدا يجون هلي وخواتى اواخوات زوجي فجئة يمكن ماحصلت غير 3مرات في السنة ماكنت اشيل هم احد يوم الشغالة موجودة وماخذه راحتى مع الضيوف في اي وقت سواء عندي شغالة او ماعندي ودريت ان الضيوف في الطريق اشيك على البيت كامل مع التنظيف السريع واجهز القهوة والشاهي وغيرة واجهز عيالي ومايرحون الا انا طايحة لاني مااعتمد على الشغالة اعتماد كلي صح انها شايلة شغل كثير بس عيالى والطبخ مالها علاقة فيه الان اشيل هم الضيوف خاصة مع الغبار الله يرحمنا برحمته لى الان اكثر من سنة اشتغل واستفدت من التقنية كثير ولافكرت اجيبها بس الحمل والتعب والنزيف خلاني ارجع واتنازل عن قراري وراح نجيب شغالة بزوجها يمكن اريح من الشغالة عشان مانحمل هم ولا اثم الله يعيننا عليهم

شوفي حبيبتي كلنا مع ظروف الحياه دايم منشغلين سواء الي عندها شغاله او ماعندها لكن بقولك طريقه ممكن تسهل عليك شوي
اول شي اهم من الضيوف اصحاب البيت اهتمي بلبسك ولبسهم واكلكم وتنظيف البيت والطريقه انك عشان تختصرين الوقت

دايم حطي عندك فريز وفرزي فيه اكلاتك كل اسبوعين الحين كل شي صار يتفرزن من كبه وسمسوسه وسبرنج رول وورق عنب وفطاير وسمبوسه بالجبن للحلا واصابع عروس حتى كشنه الطبخ واشياء كثيره لاتعد ولاتحصى ممكن تتفرزن سويلك كميه كل اسبوعين يعني فضي لك يوم وسوي مفرزناتك وخلي احد يساعدك شغاله اهلك او حتى اختك وبكذا يصير ماعليك الا الاشياء الخفيفه الي ماتاخذ من وقتك شي يعني وقت الغداء طلعي من الفريز والعشاء برضو ولو بتزودين اسهل شي الرز او المكرونه ولا جاك ضيوف برضو الي بالفريز يفي بالغرض خصوصا لو ماكان فيه عندك خبر من قبل عن جيتهم اما لو عندك خبر قبل بيوم او يومين ممكن تسوين شي سبشل
نجي للتنظيف البيت حاولي يكون فبيتك مكان للاستقبال الزوار ويكون مرتب ونظيف وشلووووووون نظفيه كل اسبوع مرتين وغطيه بالكفر حق الكنبات والطاولات غطيها بمفارش بكذاحتى الغبار ماياثر يصير عليك تمسيح الارض وبس لو جاك احد فجاءه
وبيتك خلي مكان لجلستكم ولاولادك ونظفيه يوميا وعلمي اطفالك الترتيب

بالنسبه لللملابس خليها كل 3 ايام تغسيل وكوي

واهم شي انك تهتمين بنفسك يعني لو سويتي نفس الي اقولك بتحسين انو فيه وقت فراغ عندك ممكن تستغلينه لنفسك وروقانك

هذا الي عندي لو تذكرت شي بقولك
هذي بصراحه طريقه ام صديقتي لان ماعندها شغاله وماشاء الله تباركالله عليها مهتمه فبيتها ونفسها
المساله يبيلها ترتيب وتنظيم صدقيني سوي جدول لاعمالك وبترتاحين

شوفي حبيبتي ...ان ضد الشغااله وبقوه بعد ...
طبعا انا متزوجه وعندي 3 اطفال الله يخفظهم ..والله لوتشوفي بيتي ماتصدقي..
كله نظافه ولمعان ومرتب .. والحمدلله ..انا طبعا من النوع اللي حاره جدا ..يعني مش كسوله ارتب وانظف اغراضي ..واغراض زوجي اول باول عشان ماتتراكم ..
والله حتى وانا حامل في ابنائي ..تلاقين البيت مرتب وحتى نفسيتي ترتاح ..
يعني ارتب البيت في الليل بعد ماانيم اطفالي الحلوين ....والكنيس يوميا..وغسيل الملابس ..كل يوم جمعه فقط..
طبع ترتيب غرف النوم علاطول من وقت الصحيان قبل ماافطر انا واطفالي ..حتى هما تعودوا لما يشوفوا شي طايح بالارض يشيلوه رغم ان اعمارهم صغار .. اكبر واحد عمره 5 سنوات ..بس تعودا مني دائم اقولهم شيلوا ورتبوا ..
والحمدلله .... والمطبخ دائم نظيف ماحاول اراكم المواعين والفرن امسحه اول باول .. والارضيه كذلك... ..وطبعا من حيث ملابس اطفالي والضيوف لوهاجمونا بدون سابق انذار ..عااادي جدا ..بس ماحب الحركه ذي ..واطفالي كل ليله قبل النوم اغير ملابسهم عشان لما يصحون تكون ملابسهم نظيفه ..وتكفيهم لليل وابداء اغيرها في الليل
ماعليش طولت بس تحمست مع الموضوع..

انا ماعندي شغاله لاني انا وزوجي فقط وانا الحين حامل فدائما البيت مرتب لان مافي اطفال يخربون علينا واذاجاء احد فجئه غرفة الضيوف نظيفه والله لا يحوجني للشغاله بصراحه قلق في البيت مره جبتها لانا بننقل بيت جديد وانا مااقدر اشيل شي ثقيل علشان الحمل والله كانها على راسي مارتحت وجلست معي خمس ايام وبعدها ...