كل وحدة متاخر الحمل عندها....

الحمل والإنجاب

أنا متزوجة من أربع سنين
حملت علطول
وبنتي عمرها ثلاث سنين الله يحفظها
تركت حبوب منع الحمل من سنة
وكل مارحت دكتورة قالت يمكن مسوية لك مناعة
لدرجة أن وحدة من الدكتورات كتبتلي حبوب منشطة خفيفة
المهم رحت دكتورة ممتازة
سوت لي أشعة وتحاليل هرمونات
وقالت كل شي سليم
وقالت لازم زوجك يحلل
واليوم ودينا لها النتايج
صار عنده لزوجة
وصار هو السبب في منع الحمل



المهم من السالفة
كل وحدة متأخرة في الحمل
حتى لو كانت المشكلة فيها وتعالج
يمكن يكون فيه شي بسيط يمنع أن علاجك ينفع
حاولوا ان أزواجكم يكشفون
والله يرزق كل محرومة
24
2K

يلزم عليك تسجيل الدخول أولًا لكتابة تعليق.

تسجيل دخول

سعودية فخورة
سعودية فخورة
طيب قوليله يحلل
كلها 50ريال على تحاليله
وأنا دفعت حول 500 ريال على تحاليل صارت سليمة
اذا طلع سليم يمديك تشوفين نفسك
ملاك البنات
ملاك البنات
جزاك الله خير
سعودية فخورة
سعودية فخورة
والله توقعت الموضوع انحذف
توني باسأل المشرفات ليش يحذفونه
لقيته في الصفحة الخامسة
والله ضعنا عقب الغاء البحث
مدام كوري
مدام كوري
والله نفس حالتي ..
صار لي سنه اقول له حلل ...وهو يقول ان شا الله ...
بس مايحلل ..
والله مقهوره ...هلكت نفسي تحاليل ومنشطات ...وهو ولاهو هنا ...
مستصعب شلون يجمع العينه ...!
يقول حاس انها فشيله!
مع اني من 7 شهور جبت له ورقه التحليل جاهزه...
ووعاء جمع العينه ..
بس اللي عليه يروح لاستقبال المستشفى يختمون عليها ...
بس مافي فايده ...
العمر يمر ...يارب رحمتك...
سعودية فخورة
سعودية فخورة
الله يعينك يامدام كوري
الدكتورة يوم جبت لها ورقة التحليل شوي وتقوم ترقص
وأنا مستغربة
لأن زوجي ماكان عنده مشكلة
بس هي قالت أن معظم الرجال ما يطيعون
لازم تلقين حل
وريه الموضوع
أو أزعلي عند أهلك
أو بطلي علاجات حتى يروح يحلل
لأن مثل ماقالت الدكتورة
الرجال أحيانا مشاكلهم تكون هايفة(بسيطة)
وعلاجهم مو صعب مثل الحريم
بس المشكلة فيهم أنهم مايرضون يعترفون ان فيهم عيب
يعتقدون هذا يأثر في رجولتهم
مادروا أنه مثل غيره من الأمراض
والأنسان مو بكيفة أنه يختار يمرض
هذا ابتلاء من ربي