مشكورة ام الثلاثة
الله يجبر خاطرك

أنا انصحج تدورين حد من جماعتكم يروح ولدهم النادي وتدخلينه
معاه, لأن الطفل خصوصاً الخجول يمكن وحليله يتعب في البداية
إذا بروحه.. والأفضل إذا انتي المقصد تبغينه يسوي شخصية
إذا ابوه او حد كبير راح معاه ما يقعد كله يتصرف عنه..

انا ولدي الكبير 13 سنه .. للحين احسه مايتعامل براحه مع
أهل المحلات او إذا بيطلب من مطعم.. مع انه يتكلم انجليزي
احسن مني ... وأخوه اللي اصغر منه ميييييييح في الإنجليزي
لكن نزليه مكان او وانتي بمكان عام هو بيروح يطلب وعادي
يلطش معاهم لين يفهمهم شيبغي.. وما يستحي..

أنا لاحظت هالمشكلة عند ولدي الكبير من كان عمره 8
وحاولت اني اشيل منه هالطبع للكن للأمانه ما تابعت


أنا عيالي ثلاثه ورا بعض.. دخلت الكبار سباحه وكرة قدم
وكنت خايفه ادخل الصغير في البداية .. لكن بعدين قلت
خل يروح مع اخوانه وبحاول اني اتصبر.. أول يوم غرق
في المسبح مع اني موصيته وموصيه اخوانه انه ما يدش
في مسبح الكبار..... بس المدرب الغبي قاله دش عشان
تتعلم السباحه......والحمدلله جت سليمه على طول لبى عليه المدرب

شوفي انا أوصل عيالي على الوقت ... ما أخليهم يروحون بدري!!
وأرجع آخذهم على الوقت ما اتأخر عليهم! عشان لا يقعدون فاضيين
مع باقي العيال ويبدون عاد يسمعون سوالف أو حركات ..

مع انه العيال اللي وياهم في النادي كلهم من عيال مدرستهم
والمدرب .. هو مدرسهم للرياضه في المدرسة .. لكن بعد ..
الحرص واجب