ومنكم نستفيد

سلمت يداك ..

ودائما في إنتظار جديدك
لاخلاولاعدم

اول شي بسم الله ابدا اتكلم عن جسمي انا كان جسمي علبة الوان يابنات لاني ماكنت اهتم ولا ارطب ولا شي بالحياه وبعد فتره قلت يابنت الى متى وانتي كذا؟ بتتزوجين وجسمك الوان وانا وجهي ويدي بيضا بس جسمي اسمر وملون المهم اول شي شريت صابون مغربي وشريت كريم كاب بالنسبه للصابون المغربي اسويه اسبوعيا وقد كتبت موضوع كيف اسويه وكريم كاب مادري ماحسيته سوا شي بس عاد مستمره عليه وارطب جسمي بربدة الشيا وربي يابنات توححححد لوني وصرت قطعه وحده ماشاءالله لا قوة الا بالله واهم حاجه الترطيييييببب ولازم يابنات تسوين حمام مغربي ضرررروري
وبالنسبه للوجه اغسل وجهي بغسول QV لان بشرتي جافه واحط ع اثار الحبوب مرّه والله يجنن يصفي


وبالنسبه لليد والركب عندي شوية سمار فسويت هالخلطه روعه تووحححد بس لااازم استمرار وهي عباره عن جليسوليد + نشا + زيت اللوز المر+ زيت فيتامينe + زيت الاركان والله تجننن وترطب من قققققللللببب
وبس دعواتكم لي بالتوفيق

رفع للفائدة

افضل دائماً استخدام الخلطات الطبيعية وعلى فكره البياض من الله لأمن خلطات ولا من كريمات بس انتبهو من الكريمات بس قَصدك صفاوه الصفاوه تجي من الاهتمام والخلطات
لشعري زيت جوز الهند واليوم بديت أضيف له زيت اللوز وزيت اي اويل وشوي كريم كولاجين وزيت الجوجوبا كل اسبوع واحط قبعه بلاستك او كيس لمدة ساعتين واغسله بالمويه والشامبو ويوم أحط حمام زيت لشعري نص ساعه واغسله


للوجه زبادي عسل زيت جوز الهند موية ورد وجلسرين سايل عصير ليمون يجنن يصفي البشره وينعمها احطها وبعد مااغسلها بالمويه مع الرقبه اخلط ملعقة موية ورد مع شوي من زيت الجلسرين وادهن فيها وجهي
هاذي اعتبرها خلطه سحريه يابنات الي بشرتها دهنيه بالأخص لاتقولون كلام انستغرام جربته والنتيجة تجنن بس لازم تستمرين عليه أسبوعياً الي هو الطين الهندي للوجه اخلطيه مع شوي زيت جلسرين موية ورد زيت الشاهي الأخضر وحطي منه كميه تكفي الرقبه والوجه وبعدين حطي شوي شوي خل التفاح الين يصير زي الكريم حطيه الين ينشف بعدين اغسليه وبعدها امسحي وجهك بموية الورد
للجسم طحينة ليمون عسل موية ورد تخلط وتخلى على الجسم ربع ساعه تنعم مع الحمام المغربي وبعد قبل الحمام المغربي اخلط شوي من صنفرة المشمش مع كريم الصنفرة كاب وادهن مع حركه دائريه للجسم بعدها اغسل الصنفرة واسوي الحمام المغربي
خلطه تجنن يستخدمونها في الحمام المغربي حلوه الطين المغربي الأخضر يجنن بس ذوبيه في مويه ممكن تحطين عليه زيوت وممكن تخلينه زي الكريم وحطيه على بشرتك بعدين غسليه بعد ماينشف يصفي طبعاً استخدمه مع الحمام المغربي
الصوابين البابايا الكركم الحليب الغار أبشرهم واخلطهم في علبه مع بعض وهم جافين أخذ منها شوي واذوبهم في شوي مويه مع ملح الحليب وافرك فيها جسمي
بعد كل حمام امسح جسمي زين وادهن جسمي بزبدة الشيا انا أخذ المنقيه لان جسمي حساس مااتحمل العاديه مخلوط بزيت اللوز الحلو اخذها من محل للمنتجات الطبيعية لوكستين وادهن كل جسمي عشان يحافظ على رطوبته ومايتشقق او تجيني حكه